Tekang Kbuten 26:30 - Udél Dwata: Gna Kesfasad ne Lomi Kesfasad

³⁰ Tahu se, omin Isak mò ken bélê le, ne gotu le seyón mken ne wen ninum le.

Tekang Kbuten 26:30 Referans Kwoze

Tekang Kbuten 19:3

Okóm nubug Lat lu ne mung le du ebè gónóen. Yó nmò Lat, hemtifes ken bélê le ne wen mambangen ne kayen bè yó kem tau gdek béléen ne mken le.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

Tekang Kbuten 31:54

Wen ógóf hnatayen ne dsuen ebè Dwata bè yó ta bulul ne htabahen yó kem dumuhen ebè yóm ken nmoen. Timbow deng kken le, omin le na bud tungô bè yó suloy.

1 Pitér 4:9

Hol gel hnódó ye dumu ye ne bê ye abay gel tmalaw.

Tekang Kbuten 21:8

Ngangen ne lemnok yóm ngà yó. Tikóng skó tmutù botong mò ken bong Abraham.

Tekang Kbuten 26:31

Timbow hol hlafus bè yó, omin le sfasad mung du safà le. Bè yóm deng gotu keskas le bè yó, deng le gotu bud baling swè.

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.