Tekang Kbuten 26:27 - Udél Dwata: Gna Kesfasad ne Lomi Kesfasad

²⁷ Bè yóm kkól le bè Isak, yó snólók Isak bélê le, monen, “Tedu nógów ye ebéléu ni du igò ye deng mutó nawa do ne deng hdó ye ou ekni bè yóm kuy benwu?”

Tekang Kbuten 26:27 Referans Kwoze

Tekang Kbuten 26:16

Omin Abimélék yóm tau hol geta bè yó kem Flistin, mógów ebè Isak ne monen mò du, “Mdóhi bè ni bè kum benwu, yakà dengi mbegel senta me.”

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Kul Nmò 7:27

Okóm deng mom tuluden Musis yóm tau alì hemsidek yóm dumuhen yó koni, ne monen mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?

Kul Nmò 7:14

Omin Jusif na a tminok ke maen anì mógów se kun ebè Idyip kkólen bè yó kem fes lówóhen, hitu folò limu kwen le.

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,

Tekang Kbuten 26:14

Lemwót bè yóm tey kwen ubihahen ne safien ne tey dê tau tóbóng lówóhen, deng mom mélés nawa le du yó kem Flistin.

Tekang Kbuten 26:28

Bnalà le se, mon le, “Yó nógów me ebéléem ni, abay se deng tngón me yóm eles tendo knóen béléem Dwata. Deng hendem me, hyu ke wen senfasad tekuy mung du safà. Yó nóyô me ni ke holi smafà bélê me.