Tekang Kbuten 25:5 - Udél Dwata: Gna Kesfasad ne Lomi Kesfasad

⁵ Yóm kdê kendengen Abraham gotu tebelen lu bè Isak, yóm ngaen bè Sara.

Tekang Kbuten 25:5 Referans Kwoze

Tekang Kbuten 24:36

Ne yóm Sara yóm tuha libun yóm gónóhu mogot, deng wen ngaen béléen logi balù yóm deng tey ktuhahen. Ne tódô kdê kendengen yóm gónóhu mogot, deng gotu blayen yóm ngaen logi yó.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Kulasi 1:19

Yakà lemwóten bè kun kóyô Dwata ke gotu gfan bè Krays yóm hol kun kmò.

Glasya 4:28

Duhen yó, kem dumuhu setwoli, deng tekuy baling ngà Dwata ne lemwót bè yóm deng kdohò yóm tehe fasad Dwata. Deng tekuy hol mkél bè Isak, yóm ngà Sara, yóm ngà lemwót bè fasad Dwata ke Abraham.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Kun Snulat Jan 3:35

Tey kbong nawa Dwata du yóm kun Ngà, deng gotu hogoten du yóm kentihen.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Kem Lingón 68:18

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 25:4

Yóm kun ngà logi Midyan duhen Ifa ne Éfér ne Hanuk ne Abida ne Ilda. Yó kem tau yó, hono sfu Abraham bè yehenen Kitura.

Tekang Kbuten 26:14

Lemwót bè yóm tey kwen ubihahen ne safien ne tey dê tau tóbóng lówóhen, deng mom mélés nawa le du yó kem Flistin.