Tekang Kbuten 25:23 - Udél Dwata: Gna Kesfasad ne Lomi Kesfasad

²³ Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

Tekang Kbuten 25:23 Referans Kwoze

Tekang Kbuten 27:40

Són olo gónóm mowil, són bè sudengem ne balingi tóbóng lówó yóm twolihem. Okóm bè yóm kdaw katuem du angati gewà lem hólólen.”

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Lista 20:14

Wen kem tau Israél dók Musis lemwót bè yó bè Kadis etu bè yóm tau hol geta bè Idom. Bè yóm kkól le ditu yó mon yó kem tau dóken, “Ni se udél lemwót bè yó kem dumum setwoli kem tau Israél. Deng tngónem yóm tey keglayam me.

1 Bok Kem Tau Hol Geta 22:47

Bè yóm kdaw yó laen kô dù tau hol geta bè Idom, tek són yóm sotu tau wen glalen bè yó.

Tekang Kbuten 36:31

Lu se yó kem tau hol geta mogot bè Idom yóm gu laanen là deng wen kem tau hol geta mogot bè Israél.

Tekang Kbuten 33:3

Bede tukô gna kul Jakub. Bè yóm igò Jakub hloni ebè twoguhen, botong hitu duléken hegdufok ebè tonok.

Tekang Kbuten 25:27

Ngangen ne deng le lembang yó kem ngà lewu yó koni. Yó kun kenhulung nmò Iso, tey hulung dmulok, són lem bnes gónóhen nô. Okóm ke Jakub kun, tey menek nawan tódô henek bè gónô le.

Tekang Kbuten 17:4

Yó bud mon Dwata mò du, “Yó hol fasadu kóm, uu se angat gónó le menmà yó kem dê but tau talak tonok.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

Tekang Kbuten 25:24

Na a kól yóm kdawen sut yóm bnutut Ribika, lewu le bede hono logi.

Tekang Kbuten 27:33

Bè yóm kungol Isak du, ya tey sidek kekkelen ne monen, “Ke uu se Iso, tau du se yóm deng mit utón ebéléu koni? Lomi deng kkenu du gu laanem là deng sut ne deng wen oluhu du koni. Ne hlós kun se yó laen kô dù tul sónen.”

Tekang Kbuten 27:37

Bnalà Isak se, monen, “Deng oluhu du, du gónóm mogot ne gotu le baling tóbóng lówóhen yóm kdê dumuhen setwoli. Deng oluhu du yóm tendo kwen gel kenen ne ninumen. Laen dù bud gmou béléem ne ni, Ngà.”

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

1 Samwél 17:14

Dabid yóm hol són imot bélê le. Deng le mung ke Sol ebè gida yóm tlu twoguhen.

Ubadaya 1:21

Angat le mneged ebè Bulul Sayun bè Jirusalim yó kem tau gewà na le e knamal kdê yó kem bulul bè Idom. Ne yóm hol geta bélê le mogot yóm klamangen, duhen yóm sana Dwata hol gónó mogot.”