Tekang Kbuten 25:21 - Udél Dwata: Gna Kesfasad ne Lomi Kesfasad

²¹ Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 25:21 Referans Kwoze

Isra 8:23

Yó gónóm mon, gotu me fasting bè yóm tey kni me béléen anì kenlungen mi bè lan. Tahu se, hnungol Dwata yóm kni me béléen yó. Là gomongen bè nili bérs 24 kól bè 36. Yó tulónen yóm tey ketgama le du yó kem tey ngom tahu blówón ne blówón bukay deng hwit yóm tau hol geta ne yó kem genlalen ne yó kem tau Israél mò ngom yóm Gónô Dwata bè Jirusalim. Tahu se, timbow le kól bè Jirusalim na le na hegnô tlu kdaw, bà mon yóm tey kliteg le bè yóm tey nógów tahà. Bè gfaten kdaw, lemwót yó kem ngom blówón nwit le yó, gotu blay le bè yó kem tau blóng ebè Dwata bè yóm Gónô Dwata bè Jirusalim. Kogolen bè yó, omin Isra demsù yóm dsù hkekeb ebè Dwata mò gónó le hegfan yóm tey kdóyón le du bè yóm klaen dù hemen le bè lan. Ke móyói temngón du yóm keblat yó kem tahu blówón nwit le yó, hol tenngelem bè Udél Dwata bè Bsayà ne bè Ingglis. Tonem bè yó snéen yóm tey kwen yó kem ógóf dsù le. Ke nawa te hemdem du nim ngom blówón nwit le ni, tey tennga bong. Là gomongen bè nili yóm tsaptér 9 ne 10. Yó tulónen bè ni kem tsaptér ni yóm tey ksidek kegnóm Isra du yóm deng kyehen yó kem tau Israél bè yó kem tólóng libun hmilol kul. Balù yó kem tau gel blóng le ebè Dwata, sana kegbót le myehen bélê le. Okóm yóm Isra bè yóm ketngónen du, deng mom du alì hemgsel mni du bè Dwata yóm salà nmò yó kem dumuhen. Ngangen botong le hegsel se kul yó kem tau mò du efet le hkukum bè yó kem tau kmukum bélê le. Yó ukum le du, gotu hulék le yó kem tólóng libun deng yehen le, mung kul kem ngà le. Yó gónó le mò du nim ni abay se là móyóen Isra ke wen tólóng tau sembool du yóm kmò ktaba le ebè Dwata yó kem tau Israél.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Isaya 58:9

Ke mni ye ebéléu, gel bnalau yu. Ke tnaba ye ou, tnimulu yu. Hyu ke nmò ye sónen yóm kehegnok ye kem dumu ye ne yóm khisik ye kul ne yóm ksidek kbak ye ebélê le.

2 Tutul Israél 33:13

Ne bè yóm knihen bè Dwata, hnungol Dwata, ne bnalaen yóm knihen tóbóng. Duhen yó, bud hulék Dwata ebè Jirusalim Manasi bè yóm benwu tehe nogoten. Bè yó gónó Manasi temngón du, tek sotu yóm Dwata hol gónó mogot, laen kô dù dumuhen.

1 Samwél 1:27

Tehe hnihu bè Dwata nim ngà ni ne tahu se blayen do.

Kun Snulat Luk 1:7

Són duen là mngà le, abay se atil yóm Ilisabét, ne bè yóm kdaw yó, deng tey ktuha le yóm lewu le.

Isaya 45:11

Yóm Dwata laen dù belenen gónó le mogot yó kem tau Israél, du se eles matul yóm mò kmoen elem haya. Yó udélen, “Laen dù kwalis ye smólók do ke tedu kmou kul yó kem dou ngà, duhen ke yu tô tmulón du dou yóm hyu mò nmou bélê le.

Kem Udél Hlalak Tehe Selumun 10:24

Sal gefet béléen yóm alì knikò yóm tau gel mò sidek, okóm yóm tau tedeng kmoen yóm kun hendeen tonen snéen.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Tekang Kbuten 11:30

Yóm Saray yehen Abram, atil se kun.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kem Lingón 65:2

abay se gel bnalaem yóm kni me ebéléem. Angat tódô kdéen tau bè klamangen benwu, gotu le mógów ebéléem

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

1 Samwél 1:2

Yóm Ilkana ni, lewu yehenen Hana ne Pinina. Okóm són Pinina yóm wen ngaen, fen là ke Hana.

Tekang Kbuten 16:2

Yó mon Saray mò ke Abram, “Lemwót bè yóm là kehngà Dwata dou, yake sentungóem dé yóm libun heseku. Déke mngà anì mò dou.” Tódô nmung Abram yóm mon Saray mò du yó.

1 Samwél 1:17

Ne yó mon Ili mò du, “Yó ne, lemwóti. Dwata he hol henek nawam. Yó hem Dwata yó kem tau Israél malà du yóm deng hnihem.”

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.