Tekang Kbuten 25:2 - Udél Dwata: Gna Kesfasad ne Lomi Kesfasad

² Wen ngà le, yó boluy le, Simran ne Juksan ne Midan ne Midyan ne Isbok ne Suwa.

Tekang Kbuten 25:2 Referans Kwoze

Job 2:11

Wen tlu kem tau hol dumuhen swè Job. Yó boluy le, Ilifas tau lemwót bè benwu Timan ne Bildad yóm tau lemwót bè benwu Suwa ne Sufar yóm tau lemwót bè benwu Naama. Tikóng gungol le yóm tey glumfak Job ni, tódô le lemwót bè yóm kul benwu ne slomong le mauy ke Job anì na le e henyu nawahen.

Lista 31:8

Gomong hnatay le yóm limu kem tau hol geta bè yó kem tau Midyan, yó boluy le Ibi ne Rékém ne Sur ne Hur ne Riban. Hnatay le se Balaam kun yóm ngà Biyur, tnibó le kmò le du.

Lista 31:2

“Bneles ye yóm nmò yó kem tau Midyan bè yó kem tau Israél lan le mit kul tmaba ebè yó kem kul dwata kéng. Sok deng yóm kesgida ye yó, ominem yó he matay.”

Lista 22:4

Yó mon yó kem tau Muab ebè yó kem malak bè yó kem tau Midyan, “Móyón genlà le tekuy kdeng ni kem tey genged tau ni. Lómó kmò le tekuy, lómón ke mótób bnes yóm safì tudu gotu himoten kdéen.” Duhen yó, yó nmò Balak,

Tekang Kbuten 37:36

Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 36:35

Tikóng matay Husam, yó bud tles hol geta, duhen Hadad ngà Bidad. Nogot le lemwót bè syudad Abit yóm benwu Idom. Hadad se yóm tehe gemlà yó kem sendalù Midyan bè tonok Muab.

Tekang Kbuten 25:1

Bè yóm deng katay Sara, bud myehen Abraham. Yó boluy yóm libun bud yehenen, Kitura.

Tekang Kbuten 25:3

Mngà logi Juksan duhen le Siba lewu le Didan. Yóm kun ból Didan duhen yó kem tau Asurayt ne kem tau Litusayt ne kem tau Liyumayt.

1 Bok Kem Tau Hol Geta 11:18

Mlóy le lemwót bè yó bè Midyan, mógów le etu bè Paran, ne wen kem dumu tau mung kul etu bè Idyip na le e mógów ebè Faro yóm tau hol geta bè Idyip. Botong wen tonok blayen ke Hadad, ne wen gónóen, ne du temdof kul ken.