Tekang Kbuten 24:62 - Udél Dwata: Gna Kesfasad ne Lomi Kesfasad

⁶² Bong ke Isak kun, deng kól bè yóm benwu laen hol wen tauhen moni bè yóm kokol boluyen “Kokol yóm Dwata mowil yóm mton dou.” Ne bè yó gónón nô fi leged bè yóm benwu Kanan.

Tekang Kbuten 24:62 Referans Kwoze

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Tekang Kbuten 16:14

Yó gónóm mon, yó boluy kem tau du yóm kokol yó, “Kokol yóm Dwata mowil, yóm mton dou.” Yóm kokol yó, nô bè blóng benwu Kadis ne benwu Béréd.

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 12:9

Ominen yó tendo mili yóm gónón kmamfù hlós tofi leged lem yóm benwu Kanan.

Tekang Kbuten 24:61

Omin Ribika lemwót dalang se yó kem ngà libun lomi lemnok gel tóbóng lówóhen ne motun le eta yóm kamél, mung le bè yóm tau tóbóng lówó Abraham. Omin le gotu stodol lemwót.