Tekang Kbuten 24:54 - Udél Dwata: Gna Kesfasad ne Lomi Kesfasad

⁵⁴ Ominen yó he mken yóm tau tóbóng lówó Abraham dalang se yó kem dumuhen ne wen se ninum le ne suloy le tungô bè yó. Hol hlafus bè yó btik le ne mon yóm tau tóbóng lówó Abraham, “Hulék ye ou ne ni ebè yóm gónóhu mogot.”

Tekang Kbuten 24:54 Referans Kwoze

Tekang Kbuten 24:56

Okóm mon yóm tau tóbóng lówó Abraham, “Yake bê ye tlek bud sen-gfét mi dé. Deng bnalà Dwata se yóm nógówu. Hulék ye ou ne ebè yóm gónóhu mogot.”

Tekang Kbuten 24:59

Tahu se, hmung le Ribika bè yóm tau tóbóng lówó Abraham ne yó kem dumuhen ne hmung le du yóm libun semgyok du lemwót bè hanà kudien.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

2 Samwél 18:19

Omin Ahimaas ngà Sadok mon du mò ke Juab, monen, “Hógówem o dé ebè yóm tau hol geta anì naw e tulón du yóm deng kehewà Dwata du lem hólól yó kem hohonen.”

Tekang Kbuten 45:24

Omin Jusif yó gotu hewót yó kem dumuhen setwoli ne yó monen mò kul, “Bê ye abay ssel bè lan.”