Tekang Kbuten 24:50 - Udél Dwata: Gna Kesfasad ne Lomi Kesfasad

⁵⁰ Mudél se Laban lewu le Bituél yóm maen, mon le, “Yóm deng tulónem kum ni lemwót bè Dwata, laen kat alì kmon te du.

Tekang Kbuten 24:50 Referans Kwoze

Kem Lingón 118:23

Yó se yóm deng nmò Dwata, ne tey hentaw tekuy yóm kmoen du.

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Tekang Kbuten 31:29

Wen se kwalisu mò sidek béléem, okóm ebuteng hegfan béléu bè knahu yóm Dwata gónón mogot maem. Eles hetgamahen dou anì là mudéle sidek ebéléem.

Mark 12:11

Yó se yóm deng nmò Dwata ne tey kehtaw tekuy du yóm nmoen yó.’ ”

2 Samwél 13:22

Laen dù udél Absalum ebè Amnon bè yóm nmoen yó, abay se tey sidek kutó nawahen du bè yóm deng nmoen bè libunen.

Kul Nmò 11:17

Ne tahu se,” mon Pitér, “tey mdengen keblay Dwata du yó kem tau là Ju le yóm kun Tulus, hol lómón se yóm keblayen du tekuy bè yóm kehtahu tekuy bè yóm gónó tekuy mogot. Ke yó se yóm nmò Dwata, mau do de tô hemseng yóm kun nmò?”

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Tekang Kbuten 24:55

Okóm yó udél yóm logi Ribika lewu le yéen, mon le, “Yake nan sotu fedyan duhen ke sfolò buteng yóm nan bud knô bélê me Ribika, ominen yó tmagak kum.”

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Tekang Kbuten 24:28

Tódô mlóy mulék ebè gónô yéen Ribika ne gotu tulónen yóm kdéen.

Tekang Kbuten 24:15

Bè yóm tolo lelen mni, tódô sut yóm sotu sawang libun boluyen Ribika, wen lebwón hyónen te abalen. Yóm Ribika ni ngà Bituél. Yóm Bituél ngà Milka lewu le Nahor, yóm Nahor twoli Abraham.

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 24:51

Ni Ribika, nwitem mò hyehenem yóm ngaen logi yóm gónóhem mogot, lómón yóm deng kun kmon du Dwata.”

1 Bok Kem Tau Hol Geta 12:15

Yóm nmoen yó, deng kun kmò du Dwata, gónón dohò yóm deng mon Dwata mò ke Jirubuam ngà Nibat hlanen bè Ahidya yóm tugod Dwata lemwót bè Silu. Ni se but gónó Rihubuam là kemmón kul yó kem tau.

1 Bok Kem Tau Hol Geta 12:24

monem mò kul, “Ni se udél Dwata, ‘Béem abay tô nundug yóm hol kuy dumu setwoli kem tau Israél. Mulék ye ne. Yóm deng keskó le bélê ye deng dou kóyô kmò du.’ ” Tahu se, nimón le yóm mon Dwata mò kul, ne gotu le mulék.