Tekang Kbuten 24:32 - Udél Dwata: Gna Kesfasad ne Lomi Kesfasad

³² Tahu se, mung ebè gónô le yóm tau tóbóng lówó Abraham yó ne yó kem dumuhen ne gotu ntó le Laban yó kem lulón yó kem kamél ne omin le bemlay kul ken. Ominen wen él blay le yóm tau tóbóng lówó Abraham ne yó kem dumuhen mò olob ti le.

Tekang Kbuten 24:32 Referans Kwoze

Tekang Kbuten 43:24

Ominen hfusek kul elem gónô. Benlayen lu él mò olob ti le ne bud henkenen se yó kem kudà asnu le.

Tekang Kbuten 18:4

Na ma él mò olob ti ye. Na ye hlun hegnô bè ni laan nim koyu nii.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Kun Snulat Luk 7:44

Ominen beklil ebè yóm libun, okóm nan na bud mudél ebè Simun, monen, “Lómón se ni nem libun nii. Bè kotunu bè gónóem, là kô dog benlayem do él mò olob tihu, igoen yó sana gel adat tekuy. Okóm nim libun nii, deng mom lewoken yóm timbang olob tihu, ne ifuhen du weken.

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

1 Samwél 25:41

Tódô hegdufok ebè tonok Abigil, monen, “El, móyóe se mò heseken mò molob ti yó kem tóbóng lówóhen.”

Tekang Kbuten 24:33

Bè yóm kkay le kul ken, mudél yóm tau tóbóng lówó Abraham, monen, “Tagad he dé, naw tulón kuy yóm hol bótóng nógówu edini.” Mon Laban se, “Tulónem kum sen.”

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,