Tekang Kbuten 24:29 - Udél Dwata: Gna Kesfasad ne Lomi Kesfasad

²⁹ Yóm Ribika ni, wen logihen boluyen Laban. Bè yóm kungolen du yóm tulón Ribika yó, tódô hetlasik mlóy etu ebè kokol bè gónón nô yóm tóbóng lówó Abraham.

Tekang Kbuten 24:29 Referans Kwoze

Tekang Kbuten 29:5

Bud snólók Jakub lu monen, “Dilô ye kô Laban, yóm ngà Nahor?” “El, dilô me,” mon le.

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

Tekang Kbuten 24:55

Okóm yó udél yóm logi Ribika lewu le yéen, mon le, “Yake nan sotu fedyan duhen ke sfolò buteng yóm nan bud knô bélê me Ribika, ominen yó tmagak kum.”

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 24:30

Deng ton Laban yóm tising nô bè ilung libunen ne yó kem blusù nô bè henmuen ne deng gungolen yóm kdê tulón yóm tau tóbóng lówó Abraham ke Ribika, yó gónón tódô lemwót mógów etu bè yóm gónón nô yóm tau tóbóng lówó Abraham. Bè yóm kkólen ditu, lemwót yóm tau tóbóng lówó Abraham tolo mdà klohok yó kem kamélen moni bè yóm kokol.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 27:43

Yó nmoem, géhéli lemwót etu bè Haran bè yóm logihu Laban.

Tekang Kbuten 28:2

Yake tódói mógów etu bè Misuputamya, bè benwu téméem Bituél ne mebeli yehen bè yó kem ngà libun mà diem Laban.