Tekang Kbuten 23:4 - Udél Dwata: Gna Kesfasad ne Lomi Kesfasad

⁴ “Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Tekang Kbuten 23:4 Referans Kwoze

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

1 Tutul Israél 29:15

Yóm knô me bè ni, tek likóten lómón ke tau me milo ne tau me lawa, mkél me bè yó kem tehe fù me ekni. Yóm klowil me dini talak tonok, lómón olung là kóen legen.

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Kem Lingón 119:19

Olohu tau milo ta nim tonok ni, wen tey muhu du yó kem hlauhem mò malak do, hol béem bnos béléu.

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

Tekang Kbuten 49:30

Nô bè Makpila yóm kilib yó, fi dmata kdaw benwu Mamri bè benwu Kanan. Tehe benli témê Abraham bè Ifron yóm kilib ne yóm tonok mò gónó le lembeng.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Kehedem Tau Tmolok 12:5

Angati likò mógów ebè yóm gónón geta, ne budi likò mógów ebè lan, déke wen gfaem. Tódô bukay wekem ne là budi gembek, ne laen dù bud sen-galu nawahem. Dengi moni bè yóm benwu gónóm nô laen dù tul sónen. Bè yóm kógówem ebè yóm angat gónóm nô laen kô dù tul sónen tey dê kem tau lemangag kóm lemolò lan.

Tekang Kbuten 50:13

Nwit le lówóhen etu bè Kanan ne lebeng le bè yóm kilib bè Makpila fi dmata kdaw Mamri bè yóm tonok tehe benli Abraham bè Ifron, yóm tau Hitayt. Yóm tonok benlihen yó mò gónó le lembeng.

Tekang Kbuten 47:9

Mon Jakub se, “Yó deng kegenu tau deng lematu bud tlu folò halayu, bede tauhe menwu mógów se dou. Là kóen tahà yóm dou klowil ne tey dê gónón mgel. Là mkélen bè yó kem fuu ekni, tey tahà yóm kul klowil.”

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Kul Nmò 7:16

Okóm,” mon Stéfén, “là hlós lebeng le kul bè yó. Bud na le e lebeng lu ditu bè Sékém, bè yóm benwu tehe fasad Dwata ke Abraham. Sù le lu ebè yóm kilib tehe benli Abraham filak bè yó kem tehe ngà Hamur mò gónó lembeng.

Tekang Kbuten 23:5

Bnalà le se, mon le,

Kehewà 2:22

Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”