Tekang Kbuten 22:12 - Udél Dwata: Gna Kesfasad ne Lomi Kesfasad

¹² Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Tekang Kbuten 22:12 Referans Kwoze

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Matyu 19:29

Ket tau, ke gloken gemtagak gónóen, ne yó kem dumuhen setwoli, ne yó kem tuhahen, kkólen bè yó kem ngaen, duhen ke tonoken lanen lemolò do, lematu dulék Dwata he bud hulék du ebéléen yóm deng gtebelen yó. Ne lelen yó he angat gmuta du yóm klowil laen dù sónen.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Tekang Kbuten 26:5

Yó gónón lemwót yóm któbóngu kóm, lemwót bè yóm tehe tendo kimónen dou yóm kóm mà ne yóm là kuléhen du yóm dou gel hlau du ne yóm dou gel hmò du.”

Tekang Kbuten 22:2

Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Kem Lingón 25:12

Yóm tau wen klikoen ke Dwata, hegfan Dwata béléen yóm lan mò loloen.

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Jirimaya 19:5

Deng le mom hemdà gónó demsù ebè Baal mò gónó le hkekeb ebéléen yó kem ngà le logi. Là kô hmou du kul nim ni, ne là se kô hendemu du balù sulék.

Tekang Kbuten 20:11

Bnalà Abraham, monen, “Yó gónóhu mò du nim ni, abay se yó hendemu, ‘Laen kô dù klikò le ke Dwata ni kem tau bè nim benwu ni. Angat hnatay le ou anì gwa le nim yehenu.’

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Kem Lingón 2:11

Hol nmò ye yóm kóyô Dwata bélê ye, mung du yóm klikò ye du. Mo ye mom kenkel dé

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Job 5:19

Tendo gel lenwaen uu bè yóm gónón wen gfaem.

Hibru 11:19

Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Deng Hegfan 19:5

Ominu mungol yóm mudél gu bè yóm gónón myón yóm fen kmamal, monen, “Dóyón tekuy dé Dwata, yu kem tau tóbóng lówóhen, dalang se yu kem tau gel kmikò du, lemwót bè yó kem tau hol geta kkólen bè yó kem tau hkawang.”

Tekang Kbuten 22:13

Ominen tódô wen ubiha logi ton Abraham geskét lem yóm ngà koyu lefungu hangahen. Ne tódô nwahen, ominen hmatay du ne hkekeben ebè Dwata mò dsuen mò tles yóm ngaen tô dsuen.

Tekang Kbuten 22:16

“Ni wen hol fasad mget fasadu kóm hlanu bè boluyu. Ou se Dwata mon du nim ni. Lemwót bè yóm deng nmoem ni, yóm là kngalihem du dou yóm tek sotu ngaem, tendo tnóbóngu uu.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.