Tekang Kbuten 20:7 - Udél Dwata: Gna Kesfasad ne Lomi Kesfasad

⁷ Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Tekang Kbuten 20:7 Referans Kwoze

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

1 Samwél 7:5

Omin Samwél bud mon du, “Yu kem kdéen tau Israél, gotu ye stifun bè Mispa naw e hkodu mni bélê ye bè Dwata bè yó.”

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

2 Samwél 24:17

Timbow ton Dabid yóm hógów Dwata mit hatay, yó monen mò ke Dwata, “Ou se yóm deng gemsalà béléem, ne bud ou se mò du yóm sidek. Okóm kul ni kem tau ni, hol lómón ke ubiha le, laen dù sidek nmò le. Ou ne tnafakem homongem yó kem fes lówóhu.”

1 Tutul Israél 16:22

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

2 Bok Kem Tau Hol Geta 5:11

Okóm mom lembut Naaman, tódô lemwót, monen, “Ofo do ke hewà ebéléu, ne mni béléu bè yóm Dwatahen, ne ke diwelen sigelen eta yóm desu anì mkó yóm des mifuu.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

1 Kurin 14:4

Yóm tau tódô mudél ebè Dwata bè yóm tólóng udél, kaem olon yóm kun knô tnóbóngen. Okóm yóm tau gel tmugod yóm udél Dwata, gotu tnóbóngen yó kem dumuhen hemtahu.

Isikél 33:8

Ke eles hetgamahu yóm tau mò sidek yóm angat katayen ne ke là eles tnulónem du anì tenlesen kmoen, angat matay yóm tau yó igoen tolo nô tahen yó kem salaen, okóm angat ntuku béléem yóm katayen.

Isikél 3:18

Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Jirimaya 14:11

Yó udél Dwata ebéléu, monen, “Ó Jirimaya, béi abay bud mni tóbóng béléu bè ni kem tau ni.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”

1 Samwél 7:8

Ne yó udél le hkodu bè Samwél, mon le, “Béem tenflok kut mni tóbóng bè yóm sana kut Dwata hol gónó mogot anì lenwaen tekuy lem tdok yó kem Flistin.”

Kehewà 18:17

Omin Jitru mon du, “Là hyuhen ke són uu semflós kmukum ket kdaw.

Kehewà 7:1

Yó bud mon Dwata mò ke Musis, “Lómó kmou kóm bè Faro yó, lómón ke uu Dwata ne yóm twoguhem Aron mò fen gel tugodem ebè Faro.

Kehewà 4:16

Du mò angat gel htugodem bè yó kem tau Israél. Lómón ke uu Dwata, angat gel htugodem du yóm nóyô monem.

Tekang Kbuten 20:18

Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 12:17

Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek.

Tekang Kbuten 12:15

Wen bè yó kem genlal bè Faro bélê le mton ke Saray ne tulón le du yóm tey ktiloben ne yó gónó Faro hangay ke Saray ebè gónô bongen.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Kul Nmò 8:24

Omin Simun mon du mò kul le Pitér ne Jan, “Hol hni ye se o bè Dwata anì là suten béléu yóm monem yó.”

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 20:8

Hayahen bè yó, hlafus btik Abimélék, gotu htabahen yóm kdê tóbóng lówóhen, ne gotu tulónen kul yóm kdéen, ne ya tey sidek klikò le.

Tekang Kbuten 23:6

“Bè kum kehedem du, là kói olo tau hkawang, uu se yóm hol datù sensadat. Tey hyu nawa me ke tódô lebengem bè yóm gónó lembeng hol knóón bélê me yóm tuha libunem.”

2 Tutul Israél 30:18

Tey dê bélê le yóm là deng hfólós knô lemwót gu bè benwu Ifraim, ne Manasi, ne Isakar, ne Sibulun. Okóm yó nmò Hisikaya yóm tau hol geta, mni bélê le bè Dwata anì gbek le mken du yóm ken bè Kdaw Khius, balù yóm là kehyuhen bè yóm hlolò Dwata bè yó kem kun tau. Abay se yó mon Hisikaya, “Balù yóm là deng kehfólós le, yó hem Dwata alì hyu hol hmifót kul