Tekang Kbuten 20:3 - Udél Dwata: Gna Kesfasad ne Lomi Kesfasad

³ Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 20:3 Referans Kwoze

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Kem Lingón 105:14

Okóm là kô hlus Dwata du ke wen tau hemgnok kul. Yó kmò kofinen kul, eles wen gel hetgamahen yó kem tau hol geta mogot benwu, yó monen mò kul,

Job 33:15

Ke kifu bè yóm igò tau henga tungô, wen gel hekna Dwata kul ne wen gel htonen kul.

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Tekang Kbuten 28:12

Bè yóm ktungóen, wen knahen. Knahen aut slikan tahà lemwót bè tonok ne gefet bè longit, ne wen kem hógów Dwata tonen, maut eta ne wen se mnaul elaan.

Juna 3:4

Botong sendaw Juna mógów lem yóm syudad yó, ominen yó hetngón du kul yóm udél Dwata ebélê le, yó monen, “Tek fat folò buteng duen kegbà Dwata yóm syudad Ninibi.”

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 37:9

Sotu kifu bè yó, bud kemna Jusif ne bud tulónen yó kem twoguhen, monen, “Wen bud knahu. Tonu kdaw ne bulón ne sfolò sotu blotik, gotu le kóem hegdufok ebéléu.”

Tekang Kbuten 37:5

Sotu kifu bè yó, kemna Jusif. Ne bè yóm ktulónen du bè yó kem dumuhen setwoli yóm knahen, deng mom bud temnù kutó nawa le du.

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Tekang Kbuten 12:17

Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek.

Tekang Kbuten 12:18

Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem?

Lista 22:9

Tikóng deng kifu, sut bè Balaam Dwata ne snólóken, monen, “Tmau kul de ni kem logi nô béléem ni?”

1 Tutul Israél 16:21

Okóm là kô bayà Dwata kul anì laen dù tau hemgnok kul. Yó kmò kofinen kul, eles wen gel hetgamahen yó kem tau hol geta mogot benwu, yó monen mò kul,

Tekang Kbuten 40:5

Sotu kifu bè yó lem gónô blanggù, wen kna yóm tau tehe gel mkay ninum ne wen se kun kna yóm tau tehe geta bè yó kem gel mò mambang. Bede sal stólóng lanen yóm kna le.

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Job 33:17

Mudél ebélê le anì tenflok le yóm kmò le salà ne anì là bud le gfét bè yóm kehegeta le knô le.