Tekang Kbuten 2:8 - Udél Dwata: Gna Kesfasad ne Lomi Kesfasad

⁸ Ne wen hungul koyu nmò Dwata bè yóm benwu boluyen Idin fi dmata kdaw ne bè yó gónón hemnô du yóm tau deng nifilen.

Tekang Kbuten 2:8 Referans Kwoze

Tekang Kbuten 3:24

Ne wen kem hógówen gu bè longit hbenteyen bè fi dmata kdaw yóm hungul yó. Wen sudeng sù Dwata bè yó, tódô eles sedlu dilóf bè baken ne tendo hilóy lowi anì laen dù tau gehloni ebè yóm koyu hlowil tau.

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Juwél 2:3

Hol lómó kmò le hol lómón kken ofi. Tukô gna le, hol lómón ktiloben hungul Idin ktonem du. Okóm tukô huli kul deng tódô mló, laen kô dù tonem tebel.

2 Bok Kem Tau Hol Geta 19:12

Bè yóm tehe keglà yó kem tehe fù me yóm benwu Gusan, ne Haran, ne Réséf, ne yó kem tau Édén nô bè Til-asar, là kô gbek kem dwata lennged le lemwà kul.

Tekang Kbuten 4:16

Ne omin Kain tmagak ke Dwata ne ditu gónón nô bè yóm benwu boluyen “Ówów,” nô fi dmata kdaw yóm hungul koyu bè Idin.

Tekang Kbuten 3:23

Yó gónóm mon, tódô hdó Dwata le Adam bè yóm hungul koyu bè Idin anì nbuten mò nmò ta yóm tonok tehe gónó le mò du.