Tekang Kbuten 2:4 - Udél Dwata: Gna Kesfasad ne Lomi Kesfasad

⁴ Yó se tehe kmò kedlimun Dwata du yóm longit ne yóm tonok ne yóm kdéen ton. Bè yóm tehe kedlimun yóm sana Dwata hol gónó mogot yóm longit ne yóm tonok,

Tekang Kbuten 2:4 Referans Kwoze

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Job 38:28

Wen kô mà le yóm kulón ne yóm amù?

1 Bok Kem Tau Hol Geta 18:39

Timbow ton yó kem tau nim ni, tódô le gotu lemfen bè tonok, mon le, “Dwata se yóm hol tahu gónó mogot. Yóm hol gónó mogot hol tahu Dwata.”

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.

Tekang Kbuten 36:1

Ni se tutul yó kem sfu Iso (yóm bnoluy le kem tau Idom).

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Tekang Kbuten 1:4

Ne tey hyu kton Dwata du yóm layag yó. Ominen yó semtólóng yóm layag bè yóm kifu.

Kem Lingón 18:31

Laen kô dù dumu Dwata, són yóm Dwata hol gónó mogot. Laen dù dumu botu gónó heklung, són yóm kut Dwata.

2 Tutul Israél 20:6

Mni bè Dwata, monen, “Ó Dwata yóm Dwata yó kem tehe fù me, tek són uu se yóm Dwata nô bè longit. Uu se mogot kul yóm kdéen benwu tau talak tonok. Teyi mfasang, ne gotu gbekem kdéen. Laen kô dù gembek kóm.

Tekang Kbuten 36:9

Ni se boluy yó kem ból Iso, yóm tau gónó le gu semfu yó kem tau Idom menwu bè yó kem bulul lemnek bè Sér.

Tekang Kbuten 25:19

Ni se yóm tutul yó kem semfu gu bè Isak yóm ngà Abraham.

Tekang Kbuten 25:12

Ni se yóm tutul yó kem semfu gu bè Ismaél yóm ngà Abraham bè Hagar, yóm libun hesek Sara lemwót bè Idyip.

Tekang Kbuten 11:10

Ni se yó kem kun sfu Sém. Timbow deng lewu halayen miwes kogol yóm dunuk, deng lematu ne halay Sém. Bè yóm halay yó, wen ngaen logi boluyen Arpaksad.

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Tekang Kbuten 1:1

Bè yóm hol tekang kbuten, dlimun Dwata longit ne tonok.

Deng Hegfan 16:5

Ne gungolu se udél yóm hógów Dwata le mkok tukung elem él, monen, “Ó Dwata, laen kô dù belenen yóm kóm kmò. Uu se yóm sana Dwata tenbut bè kbuten efet ni nem kmoen ni. Bong tedeng yóm ktafakem kul ni,

Deng Hegfan 11:17

“Ó Dwata, yóm hol gónó mogot, yóm laen dù là gbekem du. Uu se yóm sana Dwata tenbut bè kbuten efet nim kmoen ni. Tey kdóyón me kóm, abay se deng nbutem kmamal yóm klamangen lemwót bè yóm tey kegbekem.

Deng Hegfan 1:4

Ou se Jan gónón lemwót nim sulat ni. Hwitu ebè yó kem tau hemtahu bè yó kem hitu simbahan bè prubinsya Asya. Yó hem Dwata ne yóm Tulusen ne Jisas Krays hol tendo tmóbóng kuy, ne tendo henek nawa ye. Ni se yóm sana Dwata tenbut bè kbuten efet nim kmoen ni, ne du se yóm móyón bud sut ni. Yóm Tulus Dwata, wen hitu kay kfasangen ne eles tendo nô bè solu Dwata, bè yóm gónón myón kmamal.

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Tekang Kbuten 1:3

Ne yó udél Dwata, monen, “Dlimunu layag.” Tahu se, tódô sen-gengen se lemayag.

Tekang Kbuten 2:3

Ne wen oluhen du yóm ghituhen kdaw yó, htólóngen mò kun abay se hegnô bè yóm kdaw yó bè yóm kedlimunen du yóm kentihen.

Job 38:4

Gónóm nô se kóm du bè yóm tehe kmou benwu? Ke uu se yóm sotu tau temngón hol tulónem do kun.