Tekang Kbuten 2:22 - Udél Dwata: Gna Kesfasad ne Lomi Kesfasad

²² Tódô henbaling Dwata libun yóm tiol lohoken yó koni, ominen mit du ebè yóm logi.

Tekang Kbuten 2:22 Referans Kwoze

1 Timuti 2:13

Abay se bè yóm tehe kmò Dwata tau, Adam yóm gna nmoen, ominen tmodol mò ke Ib.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Kem Udél Hlalak Tehe Selumun 19:14

Yóm gónô ne yó kem kendengenen yóm logi sal umun lemwót bè kem tuhahen, okóm yóm libun hulung milô mò yehenen, lemwót bè Dwata.

Kem Udél Hlalak Tehe Selumun 18:22

Yóm tau mton yehen tonen yóm hyu béléen ne gutahen yóm kehyu nawa Dwata ebéléen.

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Kem Lingón 127:1

Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.