Tekang Kbuten 2:14 - Udél Dwata: Gna Kesfasad ne Lomi Kesfasad

¹⁴ Ne yóm getluhen, boluyen Tigris, mlel etu fi dmata kdaw yóm benwu Asirya. Ne yóm gfat lelen, boluyen Yufratis.

Tekang Kbuten 2:14 Referans Kwoze

Danyél 10:4

Bè yóm gewuhen folò fat kdaw bè yóm tanay bulón, mdae bè kilil yóm él bong boluyen Tigris.

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Deng Hegfan 9:14

Mudél ebè yóm hógów Dwata lomi mféw yó koni, monen, “Hewaem ne yó kem fat hógów Seitan deng tehe fét là sekna bè kilil yóm él bong boluyen Yufratis.”

Dwata 1:7

Lenkas ye kamfù ye ne bud ye lemwót. Mógów ye etu bè tu kem bulul lemnek bè benwu yó kem tau Amurayt ne etu bè tu kem benwu hmilol kul, bè Datal Jurdan ne bè yó kem bulul lemnek bè yóm benwu yó ne bè yó kem datalen. Mógów ye etu fi legeden ne etu bè kilil Mohin Miditiranyan. Mógów ye etu bè klamang benwu Kanan efet kól ditu sentu yó kem bulul bè Libanun, efet ye kól ditu bè yóm él bong boluyen Yufratis.

Tekang Kbuten 25:18

Yó gónó le gel nô kul yó kem kun ból Ismaél, nô le bè blóng yóm benwu Habila ne Sur, bè yóm benwu fi dmata kdaw Idyip bè yóm lan mógów ebè Asirya. Htólóng le bè yó kem dumu ból Abraham.

Tekang Kbuten 2:13

Ne yóm gewu lel yóm él yó, boluyen Gihon, mlel etu lem yóm benwu boluyen Kus.

Tekang Kbuten 2:15

Ne yó nmò Dwata, hnóen bè yóm hungul Idin yó yóm tau nifilen mò fen mò hulu bè yó ne mò mentey du.