Tekang Kbuten 19:8 - Udél Dwata: Gna Kesfasad ne Lomi Kesfasad

⁸ Ngem, nitu lu hewà ebélê ye yóm lewu kem ngau hanà sawang libun. Tódô nmò ye bélê le kihu kóyô nmò ye. Okóm bè ni du kem tau nô béléu, béen abay wen nmò ye bélê le, tau le mauy bè gónóu, nofinu lu.”

Tekang Kbuten 19:8 Referans Kwoze

Sulat Pol Ebè Yó Kem Tau Hemtahu Bè Rom 3:8

Hyu kun ke tódô henlós tekuy ne mò sidek anì hol megdóyón Dwata. Tey sekban yóm mon le yó. Deng wen se kem tau dmelem do lómón yó kun gel toloku. Yó kem tau mon du yóm yó, tey hyu ke hol tnafak Dwata lu.

Mark 9:6

Okóm tódô kem óyô Pitér mon du yóm monen yó, bà mon yóm tey sidek klikò le.

Isaya 58:7

Gel henken ye yó kem tau bitil ne hnódó ye bè gónô ye yó kem tau élél laen dù gónó le nô. Benlay ye nes yó kem tau laen dù bang nes lesek le. Hol bê ye kenbê tmóbóng yó kem kuy dumu.

Kmukum 9:15

Yó balaen kul yóm ngà koyu semnual yó, monen, ‘Yó ne. Ke hol ye móyô ke ou geta bélê ye mógów ye edini, tilów ye hgolung laanu. Ke là móyô ye, angat wen ofi lemwót béléu mò mlób yó kem koyu sidar alì lembang bè Libanun.’ ”

Kehewà 32:22

Mon Aron se, “Béem tô lenbut ou, deng tngónem se yóm hónô kmò le sidek ni kem tau ni.

Tekang Kbuten 42:37

Bnalà Rubén, monen, “Ó Mà, ke là bud nitu du mulék ebéléem Bindyamin, tódô hnatayem yó kem lewu ngau logi. Tódô bayaem dou ne Bindyamin ne là kô gbeku du ke là bud nitu du mulék ebéléem.”

Tekang Kbuten 18:5

Nahe hemtifes bélê ye mò ken ye anì wen kgis ye bè yóm bud kógów ye kedeng. Tey hyu nawaw nim keslob ye béléu ni. Là hyuhen ke là na ye mken béléu.” Ne mon le se, “Yó sen. Nmoem yóm deng monem.”

Tekang Kbuten 19:7

ne monen mò kul, “Ó kem Wè, hol bê ye abay nmò kut yóm nmò sidek yó.

Kem Udél Hlalak Tehe Selumun 9:7

Ke bnólówem yóm tau gel sedekà mom henwogen uu. Ne ke bnólówem yóm tau gel mò sidek mom hen-gnómen uu des.