Tekang Kbuten 19:38 - Udél Dwata: Gna Kesfasad ne Lomi Kesfasad

³⁸ Ominen bud mngà logi se kun yóm twoli, yó boluyen du Binami. Du se kul gónó gu semfu yó kem tau Amunayt ni kmoen ni.

Tekang Kbuten 19:38 Referans Kwoze

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

1 Samwél 14:47

Bè yóm kogot Sol bè Israél, yó nmoen mit sgida bè yó kem benwu hohon le hmilol kul, duhen yó kem tau Muab ne yó kem tau Amun ne yó kem tau Idom ne bè yó kem tau hol geta bè Suba ne bè yó kem tau Flistin. Ne sal gel gemmò bélê le.

Kem Lingón 83:9

Hol nmoem bélê le yóm tehe deng nmoem bè yó kem tau Midyan, ne hol lómón yóm deng tehe nmoem bè Sisira ne bè Jabin ditu bè Él Kisun.

Sifanaya 2:8

Yó bud udél yóm Dwata laen dù là gbeken du, yóm Dwata yó kem tau Israél, monen, “Deng gungolu yóm tendo kehnê kem tau Muab ne yó kem tau Amun yó kem dou tau ne deng tonu yóm kalu le mled yóm tonok le.