Tekang Kbuten 19:20 - Udél Dwata: Gna Kesfasad ne Lomi Kesfasad

²⁰ Tonem kô yóm ngà benwu udì yóó? Malù moni. Yake olon ebè yó dé gónóm hefet dou anì là mataye. Tonem se yóm tey kudien yó.”

Tekang Kbuten 19:20 Referans Kwoze

Kem Lingón 119:175

Hlowilem o anì tendo dóyónu u, ne yó kem hlauhem yóm tendo tmóbóng do.

Amus 3:6

Wen kô là likoen ke gungol le yóm féw gel huni le ke wen gida sut bè benwu le? Wen kô hlayam gefet lem syudad ke là lemwóten bè Dwata?

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Tekang Kbuten 19:30

Lemwót bè yóm klikò Lat nô bè Sur, yó gónón mneged elem bulul, mung du yóm lewu kem ngaen libun anì na le e nô bè yóm sotu kilib bè yó.

Tekang Kbuten 12:13

Yó nmò te, ke snólók le uu, yake tulónem kul libunu uu ne lemwót béléem gónó le hlowil dou ne gónó le hemtilob kmò le ebéléu.”

Tekang Kbuten 19:19

Tey deng któbóngem dou, glokem hlowil dou. Okóm tey mayuk tu kem bulul tuu. Gu laanu là deng gefet ditu, deng gafiten ou ne yóm heglumfak Dwata yóm syudad yó ne mataye.

Tekang Kbuten 19:21

Ne yó balaen ke Lat yóm hógów Dwata yó, monen, “Yó ne, nmungu yóm kóyóem. Là dog homong genlau du ne yóm ngà benwu yó.

Jirimaya 38:20

Okóm yó balà Jirimaya ke Sidikaya, monen, “Là. Là kô blay le kóm yó kem sendalù Babilun elem hólól le ke nimónem yóm deng mon Dwata mò kóm. Ke nimónem, là kói matay ne angat hyu kógów klowilem.