Tekang Kbuten 18:24 - Udél Dwata: Gna Kesfasad ne Lomi Kesfasad

²⁴ Mò kmoen se ke wen limu folò tau tedeng nmò le menwu bè yó, genlaem kô klamang yóm syudad yó? Là knamaem du kô yóm syudad yó anì mowil yó kem limu folò tau tedeng nmò le nô lemen?

Tekang Kbuten 18:24 Referans Kwoze

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Tekang Kbuten 18:32

Bud mon Abraham, “Hol béi lembut dou, Dwata, olohu bud smólók sulék ne. Kmoen se ke olo tek sfolò tau tonem tedeng nmoen?” Mon Dwata se, “Ke wen sfolò tau tonu tedeng nmoen, là kô genlau du.”

Kul Nmò 27:24

Yó monen mò dou, monen, ‘Béi hlikò, Pol, nam na gemdà bè solu Sisar he. Lemwót bè yóm kkodu Dwata kóm, tódô gomong mowil béléem yó kem dumuhem nô lem kafal ni.’

Tekang Kbuten 18:23

Omin Abraham hloni ne snólóken Dwata, monen, “Bè yóm nmoem bè Sodom yó, homong hnatayem bè yó kem tau sidek nmò le kô yó kem tau tedeng nmò le?

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”