Tekang Kbuten 18:15 - Udél Dwata: Gna Kesfasad ne Lomi Kesfasad

¹⁵ Lemwót bè yóm klikò Sara, yó gónón hmalà yóm kkulihen, monen, “Là kóe kmuli dou.” Ne yó mon Dwata, “Kaem kmulihi koni.”

Tekang Kbuten 18:15 Referans Kwoze

1 Jan 1:8

Ke yó mon ye, “Laen kô bang salau dou,” ten-geed ye tmondo knô ye, là dengen nô bè nawa ye he yóm ktahuhen.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Ifisus 4:23

Heflomi ye ke Dwata dé yóm knawa ye ne yóm kmò kehedem ye.

Kem Lingón 44:21

kaem deng tngón Dwata ne, yakà gotu tngónen du yóm kdê nô lem but blutut tau.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kun Snulat Jan 18:17

Tahu se, husek Pitér. Ne mon yóm ngà libun mò du, “Lómón tô uu sotu tau gel lemolò du yóm tau kenfô le yó koni?” Bnalà Pitér se, monen, “Là. Sundu ou du.”

Kun Snulat Jan 2:25

Laen dù bud muhen tmulón du béléen yóm kmò le, abay se deng eles tngónen yóm nô lem hendem le.

Mark 2:8

Tódô tngón Jisas yóm nô lem hendem le, yó gónón mon du mò kul, “Moen de ke lómón yó kmò kehedem ye?

Kem Udél Hlalak Tehe Selumun 12:19

Laen kô dù tul sónen yóm udél tahu, okóm yóm udél kéng tek likóten.

Job 2:10

Bnalà Job se, monen, “Kudél libun nungel. Bè yóm klawihen wen hyu blay Dwata kut tey kehmóyô te du. Moen se ke tô te tmalaw ke henwiten tu sidek?” Balù yóm deng tey kwen hlayam Job, ewenem laen kô dù udél sidek btang bè sumóngen.

Tekang Kbuten 12:13

Yó nmò te, ke snólók le uu, yake tulónem kul libunu uu ne lemwót béléem gónó le hlowil dou ne gónó le hemtilob kmò le ebéléu.”

Tekang Kbuten 4:9

Ne snólók Dwata Kain, “Ó Kain, nô se twolihem du?” Bnalà Kain se, monen, “Là tngónu du dou. Là kô ou du semgyok du?”

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 18:16

Kewót le bè yó, yó kem tau yó koni, hlós le ebè yóm gónón gedwóng etu bè yóm syudad Sodom. Mung kul Abraham, nan e tolok kul yóm lan etu.

Kem Lingón 44:22

Okóm lemwót bè yóm klolò me kóm, Dwata, gónó le tendo tô hmatay kum ket kdaw. Hol me mkél bè yóm ubiha gel hnatay le.