Tekang Kbuten 16:14 - Udél Dwata: Gna Kesfasad ne Lomi Kesfasad

¹⁴ Yó gónóm mon, yó boluy kem tau du yóm kokol yó, “Kokol yóm Dwata mowil, yóm mton dou.” Yóm kokol yó, nô bè blóng benwu Kadis ne benwu Béréd.

Tekang Kbuten 16:14 Referans Kwoze

Lista 13:26

ebè le Musis ne Aron ne ebè yóm kdéen tau Israél tolo kmamfù bè Kadis glem lem Paran, yóm benwu laen hol wen tauhen. Gotu tulón le yóm kdê deng ton le ne gotu tolok le se yó kem bungu koyu nwit le mulék.

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Tekang Kbuten 24:62

Bong ke Isak kun, deng kól bè yóm benwu laen hol wen tauhen moni bè yóm kokol boluyen “Kokol yóm Dwata mowil yóm mton dou.” Ne bè yó gónón nô fi leged bè yóm benwu Kanan.

Tekang Kbuten 21:31

Tahu se, henmóyô Abimélék. Ne yó boluy le du yóm benwu yó, Birsiba, abay se bè yó gónó le ssafà yóm lewu le.

Tekang Kbuten 14:7

Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

Tekang Kbuten 16:15

Wen ngà logi Hagar bè Abram ne yó boluy Abram du Ismaél.

Tekang Kbuten 21:19

Ominen wen kokol hton Dwata ke Hagar ne tódô mógów edu nan e sulu yóm sning kulit ógóf nwiten. Ominen yó hinum yóm ngaen.