Tekang Kbuten 15:10 - Udél Dwata: Gna Kesfasad ne Lomi Kesfasad

¹⁰ Tahu se, gotu nit Abram ebè Dwata yó kem ógóf hnihen yó koni, ne omin Abram hmatay kul, sket hensóól sendolihen lu, ominen bud semdolol hmasà kul, lewu ktolen du. Okóm yó kem onuk koyu, là dog sendolihen kul.

Tekang Kbuten 15:10 Referans Kwoze

Tekang Kbuten 15:17

Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

2 Timuti 2:15

Hol hotuhem gelem mò du yóm hmò Dwata kóm anì hol gsengel nawahen kóm, ne anì laen bang gónóm myak bè yóm gel nmoem. Yake hol gulit ktolokem du yóm ktahuhen lemwót bè Dwata.

Tekang Kbuten 15:9

Yó balà Dwata du, monen, “Miti ebéléu dini sotu safì libun ne sotu kambing ne sotu ubiha logi, yóm deng tlu halay le. Hmungem du sotu obun ne sotu kfati.”

Tekang Kbuten 15:11

Lemwót yó kem onuk gel mken matay, deng le mom mdef bè lówó yó kem ógóf deng hlasà Abram, okóm gotu hlikò Abram lu.