Tekang Kbuten 14:23 - Udél Dwata: Gna Kesfasad ne Lomi Kesfasad

²³ laen kô dù nwahu du yó kem kimuhem, balù sbalu tnikel duhen ke fét tlumfà. Déke monem elem hulin kdaw, lemwót béléu yóm kdê kendengenem.

Tekang Kbuten 14:23 Referans Kwoze

2 Bok Kem Tau Hol Geta 5:16

Okóm yó balà Ilaysa du, monen, “Mlan bè boluy yóm Dwata là matayen, yóm dou tendo nimón, là kô henmóyóu du yóm basahem do yó.” Tey kubug Naaman du anì henmóyóen yóm basahen du, okóm là kô nwa Ilaysa du.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

2 Kurin 12:14

Móyón bud nauyu yu ne, ni se getluhu dulék bud mauy kuy. Balù nim bud kógówu ni, là kóe na a hlowil bélê ye, abay se là kô filak du hendufu bélê ye. Yó dé hendufu ke gotu nawa ye dou, abay se lómón ke hol ngau yu. Là kô kem ngà du se yóm wen eles tgama le kem tuha le, mom yó ne kem tuha wen eles tgama le yó kem ngà le.

2 Bok Kem Tau Hol Geta 5:20

yó hendem Gihasi, yóm tau tóbóng lówó Ilaysa, “Tódô kem hewóten Naaman yóm tau lemwót bè Aram, yóm amohu là kô dog henmóyóen du yóm tô blayen du. Mlan bè boluy yóm Dwata là matayen na ktes dé anì wen nwahu béléen.”

1 Bok Kem Tau Hol Geta 13:8

Okóm yó balaen du yóm tau Dwata yó yóm tau hol geta, monen, “Anien ke blayem do yóm sóól bè yó kem nfunem, là kóe mung kóm. Là kóe mken ne là kóe minum él bè nim benwu ni.

Kun Snulat Jan 1:27

Du se yóm monu sut huli do, okóm tey mfasang sentahu he kun. Baluen ke olohu hesek béléen, là kóe na a knóón.”