Tekang Kbuten 14:17 - Udél Dwata: Gna Kesfasad ne Lomi Kesfasad17 Bè yóm kulék Abram bè yóm katuen bè le Sidurlamér, yó nmò yóm tau hol geta bè Sodom, senlongen Abram bè Datal Syabi. Yó bud boluy le du yóm datal yó, Datal yóm Tau Geta. Gade chapit la |
Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.
Wen fat kem tau hol geta mogot benwu na a mit sgida bè yóm limu kem tau hol geta. Yó boluy yó kem fat tau hol geta yó, Amrafél yóm tau hol geta mogot yóm benwu Babilun, ne Ariyok yóm tau hol geta mogot benwu Ilasar, ne Sidurlamér yóm tau hol geta mogot benwu Ilam, ne Tidal yóm tau hol geta mogot benwu Guyim. Yó nmò le, na le e gnida yó kem limu dumu tau hol geta. Yó boluy le, Bira yóm tau hol geta mogot benwu Sodom, ne Birsa yóm tau hol geta mogot benwu Gomora, ne Sinab yóm tau hol geta mogot benwu Adma, ne Simébér yóm tau hol geta mogot benwu Sibuyim, ne yóm tau hol geta mogot benwu bè Bila, yóm benwu bud bnoluy le Sur.