Tekang Kbuten 14:15 - Udél Dwata: Gna Kesfasad ne Lomi Kesfasad

¹⁵ Bè yóm kkól le Abram bè yóm benwu yó, nólólen yó kem tauhen. Yó nmò le, nundug le kifu yóm fat kem tau hol geta hohon le ne matù le bélê le. Bud ngang le kemtes kul efet kól bè Huba, yóm benwu sentu Damaskus.

Tekang Kbuten 14:15 Referans Kwoze

Kul Nmò 9:2

mni béléen sulat mò niten ebè yó kem tau malak bè yó kem ket gónó le gel stifun yó kem Ju bè syudad Damaskus anì duhe kóm, ke wen tau tonen hemtahu bè Jisas, wen kwalisen kemfô kul, kihu ke libun duhen ke logi, anì gotu niten lu ebè Jirusalim. Ne tahu se, smulat yóm tau hol geta yó, ne hwiten ke Sol.

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

1 Bok Kem Tau Hol Geta 15:18

Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten bè Bin-hadad ngà Tabrimun témê Hisyun yóm tau hol geta bè benwu Aram, nô bè syudad Damaskus. Bè yóm kehwiten du, hlanen bè yó kem dumu genlalen, ne wen udél hwiten ebéléen, yó monen,

Kul Nmò 9:8

Tahu se, btik Sol bè yó, ne mukat, okóm là buden mton. Tek sensalak yó kem dumun etu bè Damaskus.

Kul Nmò 9:10

Wen sotu tau hemtahu bè Jisas nô bè yó bè Damaskus boluyen Ananiyas. Wen tódô hton Jisas du, ne monen mò du, “Ó Ananiyas.” Bnalà Ananiyas se, monen, “Ni ou, Jisas.”

Tekang Kbuten 15:2

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Kmukum 7:16

Yó nmò Gidyun, nólólen bè tlu bung yó kem tlu latu sendaluen ne sket benlayen lu féw ne kuleng tonok wen solok nô lemen.

Isaya 7:8

Yó gónóhu mon du yóm yó, abay se laen dù bud kgis Risin. Senged se yóm syudad Damaskus gónóhen nô ne yóm benwu Sirya nogoten, laen dù bud kgis le. Senged se yóm benwu Israél, là gefeten bè nem folò limu halay gu kni deng le sana gotu meglà, là buden mdà ne yóm benwu yó.