Tekang Kbuten 14:12 - Udél Dwata: Gna Kesfasad ne Lomi Kesfasad

¹² Bè yóm kdê deng negef le yó, gomong lemen Lat, yóm ngà twoli Abram nô bè Sodom ne kdê yó kem kimuhen.

Tekang Kbuten 14:12 Referans Kwoze

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.

Lista 16:26

Yó udél Musis ebè yó kem dumu tau mdà bè yó, monen, “Hol ye hlayuk bè gónô le ni kem tau mò sidek nii ne bê ye abay nogot yó kem kimu le. Ke nogot ye gotu ye gomong megtafak bélê le bè yó kem salà le.”

Tekang Kbuten 14:11

Yó nmò yóm fat kem tau hol geta matù yó koni, hlós le ebè Sodom ne Gomora, gotu nuku le kdéen kendengen bè yó kem benwu yó, gomong yó kem gel ken le, omin le bud lemwót.

Tekang Kbuten 14:14

Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 14:16

Ne gotu nwa Abram yóm kdê deng negef yóm fat kem tau hol geta yó. Bud niten mulék Lat snéen, yóm ngà twolihen ne kdê yó kem kimuhen. Gotu bud niten lu mulék se yó kem libun ne yó kem dumu tau negef le.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.