Tekang Kbuten 13:6 - Udél Dwata: Gna Kesfasad ne Lomi Kesfasad

⁶ Yó gónóm mon, laen hol gónó le hótób ógóf le ke hlós keslomong le yóm lewu le, abay se tódô sket kul genged ógóf le.

Tekang Kbuten 13:6 Referans Kwoze

1 Timuti 6:9

Okóm yóm tau són hendeenen ke wen hol kendengenen, ten-geeden hebtang knóen elem sindil, hlós gholot lem yóm kdê niwolen. Wen se niwolen gutahen, balù udì ke wen muhen du, ne mom wen gfaen du. Nim kdê gónón gbeteng ni kemteng du elem hatay laen kô dù tul sónen.

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 12:16

Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.

Tekang Kbuten 13:2

Nim Abram ni, tey wen kendengenen. Tey wen ubihahen ne kambingen ne safien ne wen se tahu blówónen ne blówón bukayen.