Tekang Kbuten 13:18 - Udél Dwata: Gna Kesfasad ne Lomi Kesfasad

¹⁸ Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 13:18 Referans Kwoze

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 18:1

Bè yóm knô Abraham bè yóm benwu moni bè yó kem koyu lembang nfun Mamri, bud hegfan béléen Dwata. Bè yóm kehegfanen béléen yó, deng gtungu kdaw ne tolo myón bè bak dólen.

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Lista 13:22

Lolò le e mool mius le bè yóm benwu boluyen Négéb efet le kól bè Hibron, yóm benwu gónó le menwu yó kem sfu Anak, le Ahiman ne Sisay ne Talmay. (Yóm benwu Hibron yó, deng hitu halayen ne mdà gu laanen là deng mdà yóm syudad Suan yóm syudad yó kem tau Idyip.)

Tekang Kbuten 37:14

Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 13:4

bè yóm benwu tehe gna gónón semsodò yó kem botu mò gónón demsù ebè yóm sana Dwata hol gónó mogot. Yóm kkólen bè yó, bud tmaba ebè Dwata.

Tekang Kbuten 23:2

Ne matay bè Hibron bè benwu Kanan ne tey klangag Abraham du yóm katayen.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Tekang Kbuten 22:9

Timbow le kól bè yóm benwu deng tulón Dwata ke Abraham, omin Abraham semsodò yóm botu mò gónón demsù, ne senfótólen tahen yó kem koyu nwiten. Ominen mfét ke Isak ne hlasaen ta yó kem koyu deng senfótólen yó.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

2 Samwél 2:1

Kogolen bè yó, snólók Dabid Dwata, “Bude mulék ebè yóm sotu benwu bè Juda kô?” Ne yó balà Dwata du, monen, “El, muléki etu.” Omin Dabid bud smólók, “Benwu du de gónów e mógów?” Ne yó balà Dwata du, monen, “Mógówi ebè Hibron.”