Tekang Kbuten 13:1 - Udél Dwata: Gna Kesfasad ne Lomi Kesfasad

¹ Omin Abram lemwót bè yó bè Idyip, lanen mool efet kól bè lem Kanan fi leged, mung du yehenen ne Lat snéen, ne kdê yó kem deng nfunen.

Tekang Kbuten 13:1 Referans Kwoze

2 Samwél 24:7

Omin le hlós fi leged bè yóm benwu wen tey bengen duhen Tayal, ne hlós le ebè yó kem syudad yó kem tau Hibayt ne kem tau Kanan. Hol sónen, hlós le ebè Birsiba, yóm benwu hol fi leged bè Juda.

1 Samwél 27:10

Ke gel snólók Akis Dabid, “Gónóm gu mundug kemdaw ni du?” Yó gel balà Dabid du, monen, “Nundugu yó kem tau bè Juda fi leged.” Sotu kdaw, bud monen, “Nundugu yó kem tau Jiramilayt.” Sotu kdaw, bud monen, “Nundugu yó kem tau Kinayt.”

Tekang Kbuten 21:33

Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Lista 13:17

Bè yóm kehewót Musis kul yó kem tau hemkana yó koni, yó monen mò kul, “Bè yóm kógów ye ni, lenwót ye bè ni lan ye e mool efet ye gefet ditu bè bulul yóm benwu Kanan, omin ye hlós etu elem bululen.