Tekang Kbuten 12:10 - Udél Dwata: Gna Kesfasad ne Lomi Kesfasad

¹⁰ Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 12:10 Referans Kwoze

Tekang Kbuten 43:1

Deng tey sidek ne yóm kbel bitil bong bè Kanan.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kul Nmò 7:11

Ne tikóng kogolen bè yó,” mon Stéfén, “na a mbel yóm tey bitil bong. Tódô lenngeben klamangen benwu Idyip, dalang se bè Kanan. Tey keglayam kem tau. Laen dù bang gónó le ma ken yó kem tehe fù tekuy.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Jirimaya 14:1

Ni se udél Dwata ebè Jirimaya gbak bè yóm tey kinì kdaw, monen,

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Kem Lingón 105:13

Tey dê benwu gónó le e semdakit menwu, sal stólóng yó kem tau mogot du.

Kem Lingón 34:19

Sal gel wen gónón glayam yóm tau hyu kmoen, okóm sal gel lenwà Dwata gu lemen.

2 Bok Kem Tau Hol Geta 6:25

Yó uléken yóm kekamfù le yó, mbel yóm tey bitil bong lem Samarya, ngangen balù yóm kulu kudà asnu, sana kebli le du wolu folò botù blówón bukay, ne balù yóm sotu tegayan yóm sotu kay kê obun gel benli le, bentes le limu botù blówón bukay.

2 Bok Kem Tau Hol Geta 4:38

Timbow mulék ebè Gilgal Ilaysa, tódô glohen yóm tey bitil bong bè yó. Yóm igò le myón bè soluhen yó kem lumbuk tugod Dwata, yó mon Ilaysa mò yóm tau tóbóng lówóhen, “Suem ta kótóng yóm kuleng bong, tmógóhi sóbów bè ni kem tugod Dwata nii.”

Rut 1:1

Tehe yu ekni, bè yóm kdaw là deng wen tau hol geta mogot bè Israél he, wen tey bitil bong bè yóm benwu yó. Wen sotu tau boluyen Ilimélék nô bè yó, semfu gu bè yóm tehe Ifrat. Nim Ilimélék ni, menwu bè Bitlihim yóm benwu snakuf Juda. Yó boluy yehenen, Numi. Ne wen lewu ngà le logi duhen le Malun ne Kilyun. Yó nmò le, mili le ebè yóm sotu benwu boluyen Muab na le e hlun menwu ditu, bà mon yóm tey bitil bong bè Bitlihim. Bè yóm deng knô le ditu

Tekang Kbuten 47:13

Ngangen mò du mbel bitil bong efet laen dù bud ken bè klamangen ne là bud le mgel yó kem tau bè Idyip ne bè Kanan lemwót bè kbitil le.

Tekang Kbuten 42:5

Yó kem ngà Jakub yó, mung le bè yó kem dumu tau na le e bemli ken bè Idyip, abay se deng glumfak bè kul benwu bè Kanan yóm bitil bong.

Tekang Kbuten 41:57

Ngangen ne kdéen tau bè klamangen benwu gotu le mógów ebè Idyip na le e bemli ken bè Jusif, abay se deng glumfak bè klamangen benwu yóm tey bitil bong.

Tekang Kbuten 41:56

Ngangen ne temnù ksideken yóm bitil bong efet gefet bè klamangen Idyip. Yó nmò Jusif, lenungkaen ne kdéen bediga bè klamangen Idyip ne heblihen ken yó kem tau Idyip.