Tekang Kbuten 11:4 - Udél Dwata: Gna Kesfasad ne Lomi Kesfasad

⁴ Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Tekang Kbuten 11:4 Referans Kwoze

Kun Snulat Jan 5:44

Laen kô dù lan ye hemtahu béléu, abay se són sen-galu ye, són yóm kdóyón tau kuy. Okóm là kô dog sen-galu ye du yóm kegdóyón ye bè yóm hol tek sotu Dwata.

Kun Snulat Luk 1:51

Lemwót bè yóm alì kegbeken, gotu senklahen yó kem tau hegmón alì dê atul le.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Danyél 4:11

Ngangen lemnok yóm koyu yó efet gesduk bè longit ne tey mbegel kdaen. Tódô gfan bè kdéen tau bè klamangen benwu.

Tekang Kbuten 6:4

Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

Danyél 4:22

Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Kem Lingón 92:9

Kdê yó kem hohonem, Dwata, angat le gotu matay. Angat gotu senklahem lu kdê yó kem tau gel mò sidek.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Kem Lingón 107:26

Tódô megtungkà etta yóm kafal, ne bud mung etlaan bè yóm kógów lewók. Ya tey sidek klikò le yó kem tau mit kafal, botong lana bélê le kfól nawa le.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”