Tekang Kbuten 11:29 - Udél Dwata: Gna Kesfasad ne Lomi Kesfasad

²⁹ Myehen Abram, duhen Saray. Ne myehen se ke Nahor, duhen Milka yóm ngà Haran libun. Yó twoli Milka duhen Iska.

Tekang Kbuten 11:29 Referans Kwoze

Tekang Kbuten 22:20

Kogolen bè yó, gungol Abraham deng wolu ne kem ngà Milka logi, yóm yehen yóm dumun sulil-lem boluyen Nahor.

Tekang Kbuten 17:15

Yó bud mon Dwata mò ke Abraham, “Lenwóten ni, béem bud boluy ke yehenem Saray. Yó tles boluyen Sara.Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.

Tekang Kbuten 24:15

Bè yóm tolo lelen mni, tódô sut yóm sotu sawang libun boluyen Ribika, wen lebwón hyónen te abalen. Yóm Ribika ni ngà Bituél. Yóm Bituél ngà Milka lewu le Nahor, yóm Nahor twoli Abraham.

Tekang Kbuten 20:12

Tahu se, slibun me, ssotu me bè mà fen me stólóng bè yê, ne nwahu mò yehenu.

Tekang Kbuten 22:23

Mngà Bituél, duhen Ribika.

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:24

Bnalà Ribika se, monen, “Yó boluy mau, Bituél ngà Nahor ne Milka.