Tekang Kbuten 1:31 - Udél Dwata: Gna Kesfasad ne Lomi Kesfasad

³¹ Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Tekang Kbuten 1:31 Referans Kwoze

1 Timuti 4:4

Kdê yó kem deng tehe dlimun Dwata, hono hyu, ne bê te abay mom kenbê. Yake hol henmóyô te, mung du yóm gel keslamat te béléen.

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Kem Lingón 104:31

Laen kô dù nan e són yóm kun kegeta Dwata. Hyu ke hol hligal du yóm kdê deng nmoen.

Job 38:7

Bè yóm tehe kmou du yó kem yó, gotu le segeng semngal yó kem blotik ne gotu le hligal mensag yóm kdê hógówu nô bè longit.

Tekang Kbuten 2:2

Bè yóm ghituhen kdaw là buden mò nmò Dwata, deng gotu deng ne kedlimunen du yóm kentihen.

Tekang Kbuten 1:23

Timbow deng kmoen du yóm yó, ominen bud kifu ne bud mwas, tu se yóm glimuhen kdaw.

Tekang Kbuten 1:8

Yó boluy Dwata du yóm gónón sgawag, “longit.” Timbow deng kmoen du yóm yó, ominen bud kifu ne bud mwas, tu se yóm gewuhen kdaw.

Tekang Kbuten 1:5

Yó boluyen du yóm layag, “kdaw,” ne yóm kkifuhen, “kifu.” Timbow deng kmoen du yóm yó, ominen kifu ne bud mwas, tu se yóm hol tanay kdaw.

Tekang Kbuten 1:19

Timbow deng kmoen du yóm yó, ominen bud kifu ne bud mwas, tu se yóm gfaten kdaw.

Tekang Kbuten 1:13

Timbow deng kmoen du yóm yó, ominen bud kifu ne bud mwas, tu se yóm getluhen kdaw.

1 Timuti 4:5

Yó gónón hyu mken du, abay se lemwót bè udél Dwata, ne lemwót bè yóm gel keslamat tekuy béléen.

Kehewà 31:17

ne laen kô dù sónen yóm ilô yó. Tehe nem kdawu mò du yóm longit ne tonok ne bè yóm ghituhen kdaw laen dù bud nmou, tódóe hegnô.”

Kem Lingón 104:28

Tahu se, wen gel blayem kul mò ken le, ne tódô gotu gsengel se nawa le du.

Kem Lingón 119:68

Tey hyu kmoem yóm uu, ne kdê yó kem nmoem, sal hyu. Hol tolokem do yó kem hlauhem.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kehedem Tau Tmolok 3:11

Deng tilob kmò Dwata du yóm kdê nmoen bè yóm kul kdaw. Deng eles suen bè nawa tau yóm óyô temngón du yóm mò kmoen elem hulin kdaw, ewenem yó, là kô tngón tau du yóm kdê nmò Dwata kewóten bè kbuten efet kól bè sónen.

Tekang Kbuten 2:3

Ne wen oluhen du yóm ghituhen kdaw yó, htólóngen mò kun abay se hegnô bè yóm kdaw yó bè yóm kedlimunen du yóm kentihen.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.