Tekang Kbuten 1:30 - Udél Dwata: Gna Kesfasad ne Lomi Kesfasad

³⁰ Okóm bè yó kem ógóf te tonok ne yó kem onuk móyóng te kmawang, deng tey dê kay bnes dlimunu bélê le mò kul ken.” Ne tahu se, tódô uliten du.

Tekang Kbuten 1:30 Referans Kwoze

Kem Lingón 104:14

Gel htowokem yó kem bnes mò nótób yó kem ógóf. Ne wen hulu blayem yó kem tau mò gel htowok le mò gónó le mowil.

Kem Lingón 147:9

Gel wen hkenen yó kem ógóf lem bnes, dalang se yó kem tnulón wak, gotu le mni béléen mò tnukô le.

Tekang Kbuten 9:3

Ne gbek ye mken kul lenwóten bè yóm kdaw ni mò tnù yó kem hulu gel ken ye. Gotu blayu kuy yóm kdéen mò ken ye.

Job 39:30

Ke wen matay, tódô le gotu sbung hilolen yó kem banug. Ne yó kem ngà le gotu ken le yóm unged tolo mitô.”

Job 39:8

Tódô le mótób bè yó kem bulul, bè yó gónó le gel mebel kihu bnes nótób le.

Job 39:4

Ne yó kem ngà le ditu lem bnes gónó le lemnok, omin le tmagak ke yê le ne là kô le bud semfulék ebéléen.

Tekang Kbuten 6:21

Ne elesi se mit elemen mò ken ye ne mò ken yó kem ógóf.