Tekang Kbuten 1:22 - Udél Dwata: Gna Kesfasad ne Lomi Kesfasad

²² Ne wen oluhen kul, yó monen, “Hol ye mból anì hol wen nô lem él ne nô lem mohin, ne anì hol wen móyóng te kmawang.”

Tekang Kbuten 1:22 Referans Kwoze

Tekang Kbuten 8:17

Gotu nitem lu hewà yóm kentihen kay onuk koyu ne kay ógóf deng tehe nwitem anì hol le mngà ne mból talak tonok.”

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Tekang Kbuten 9:1

Yó olu Dwata ke Nuwa ne yó kem ngaen logi, monen, “Hol ye bud mból anì bud wen tau talak tonok.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Kem Lingón 128:3

Yóm tuha libunem, lómón ke hulu alì mungu mteg bè lósólem. Yó kem ngaem logi myón hilol lemisahem, hol lómón ke koyu ulib tilob ktowok le.

Kem Lingón 107:31

Yake hol dóyón le Dwata bè yóm là konolen yóm kbong nawahen kul, ne bè yóm tey kehyu yòm deng nmoen bélê le.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 1:21

Tahu se, dlimun Dwata yó kem klambaden utón nô lem mohin dalang se yó kem kentihen mowil gel nô lem él. Ne yó kem kentihen gel móyóng te kmawang, gotu dlimun Dwata lu. Ne kdê yó kem dlimunen yó, bè yóm bud kból le tódô sulit bè yóm sana kul kmò. Ne tey hyu kton Dwata du yóm deng dlimunen yó.

Tekang Kbuten 1:23

Timbow deng kmoen du yóm yó, ominen bud kifu ne bud mwas, tu se yóm glimuhen kdaw.