Tekang Kbuten 1:2 - Udél Dwata: Gna Kesfasad ne Lomi Kesfasad

² Yóm tonok, là kóen mtukul kmoen ne laen se dù bang tonem tahen lemwót bè yóm tey él nelem lemimun du, lel yóm tey kifu mget bè klamangen. Lemwót yóm Tulus Dwata tendo heklowong gu tahen.

Tekang Kbuten 1:2 Referans Kwoze

Kem Lingón 104:30

Okóm lemwót bè yóm nawa blayem kul, yó gónó le mowil bè yóm tehe kedlimunem kul. Tódô senflósen tendo wen bud lomi hlowilem te tonok.

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Nahum 2:10

Deng gotu gbà ne yóm benwu Ninibi ne tódô gbayà ne laen dù bud tonem lemen. Lemwót bè yóm alì klikò le, tey sidek kotuk kfu le. Tódô setbol kkel kem bukol le. Tódô gotu lana kgis le ne gotu le lemusék.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Dwata 32:11

Toloken lu, lómón yóm banug gel toloken móyóng kem ngaen. Hdalang hóyóngen lu, ominen mból hafaken mò slegefen kul. Lómón yó se deng nmò Dwata, là kô bayaen kul btang yó kem tau Israél.

Job 38:9

bè yóm tehe klimunu du lobun mung du yóm tey kifu mget?

Kem Lingón 104:6

Tehe suem tahen yóm mohin bong, lómón ke mnal igam bè klamangen yóm kmoem du, ne yó kem tey bulul, gotu glimun él.

Kem Lingón 136:6

Hol dóyón tekuy Dwata, gbeken hemsù du ta él yóm tonok. Laen kô dù tul sónen yóm kbong nawahen tekuy là monolen.

Kem Lingón 148:7

Hol dóyón ye Dwata se kuy, yu yem kdéen nô te tonok. Gomong yó kem blol lembang nô lem yóm tey mohin nelem, hol gel dóyón ye Dwata.

Kem Udél Hlalak Tehe Selumun 8:24

Gu laanen là deng wen yó kem mohin ne gu laanen là deng wen yó kem tbul él deng sana yó ne nim o.

Isaya 31:5

Lómón yóm onuk koyu tendo móyóng ta yóm salahen nofinen yó kem ngaen hol lómón se yóm nmou bè Jirusalim. Ou se yóm hol kemlung du ne hol mofin du. Ou se yóm Dwata laen dù là gbeken du.”