Tekang Kbuten 1:16 - Udél Dwata: Gna Kesfasad ne Lomi Kesfasad

¹⁶ Wen lewu yóm bong dlimun Dwata mò mnóng. Dlimunen kdaw mò hlayagen ke kemdaw, ne dlimunen bulón mò hlayagen ke kifu. Ne homong dlimunen snéen yó kem blotik.

Tekang Kbuten 1:16 Referans Kwoze

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Kem Lingón 8:3

Ke gele lengalà ebè longit yóm deng tehe nmoem, tonu yóm bulón ne yó kem blotik deng eles mdengen gónóm hemsù kul.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kem Lingón 148:5

Yake tódô kdê le gotu dmóyón ke Dwata. Bè yóm tehe kedlimun Dwata kul, olo lemwót bè udélen.

Kem Lingón 74:16

Uu se mò du yóm kdaw ne bulón. Yóm kdaw ne kifu, kóm funen.

Kem Lingón 148:3

Balù yóm kdaw ne bulón ne yó kem blotik gel kemnit bè longit, hol gel dóyón ye Dwata se kuy.

Job 38:7

Bè yóm tehe kmou du yó kem yó, gotu le segeng semngal yó kem blotik ne gotu le hligal mensag yóm kdê hógówu nô bè longit.

1 Kurin 15:41

Yóm kdaw, tólóng se kun ktilob, ne tólóng se kun ktilob yóm bulón, ne bud tólóng se kul yó kem blotik. Bà yóm tey kwadag yó kem blotik, sal stólóng yóm kul ktilob.

Matyu 27:45

Tikóng deng gtungu kdaw, tódô kmifu talak tonok efet sóól mosol kdaw.

Hbakuk 3:11

Tódô htengen yóm kdaw ne yóm bulón, olo bè ksilà yó kem hanak gtiem nebuyusem mom smilà.

Isaya 45:7

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Kem Lingón 19:6

Yóm kógówen, lenwóten fi dmata kdaw kól desdef. Laen kô gónón glilung yóm kkinien.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Job 31:26

Ne sotuhen, ke gel tenngelu yóm kdaw bè yóm tey nóngen, duhen ke tenngelu yóm bulón bè yóm tey klinggelen,

Matyu 24:29

“Sok kogol yóm alì hlayam bè yó kem kdaw yó,” mon Jisas, “angat là buden mnóng kdaw dalang se bulón, ne angat le gotu btang gu bè longit yó kem blotik, ne là bud glolò le lesang le yó kem dumu mnóng gu bè longit.

Tekang Kbuten 1:15

Mnóng le gu bè longit anì hol lemayag ete tonok.” Tahu se, tódô uliten du.

Jirimaya 31:35

Kaem Dwata se tehe mò du yóm kdaw mò mnóng ke kemdaw ne bud mò du yóm bulón ne yó kem blotik mò mnóng ke kifu. Du se alì hewók yóm mohin, yó gónón alì lemungkul. Yó boluyen, Dwata laen dù là gbeken du. Ne ni se udélen, monen,