Tekang Kbuten 1:14 - Udél Dwata: Gna Kesfasad ne Lomi Kesfasad

¹⁴ Omin Dwata bud mon du, “Dlimunu yó kem mnóng bè longit mò semtólóng yóm kdaw bè yóm kifu, ne mò gónó milô yóm sendaw ne yóm sfalay ne yóm bulón kmò hulu.

Tekang Kbuten 1:14 Referans Kwoze

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Jirimaya 31:35

Kaem Dwata se tehe mò du yóm kdaw mò mnóng ke kemdaw ne bud mò du yóm bulón ne yó kem blotik mò mnóng ke kifu. Du se alì hewók yóm mohin, yó gónón alì lemungkul. Yó boluyen, Dwata laen dù là gbeken du. Ne ni se udélen, monen,

Kem Lingón 148:3

Balù yóm kdaw ne bulón ne yó kem blotik gel kemnit bè longit, hol gel dóyón ye Dwata se kuy.

Kem Lingón 148:6

Bud bè udélen snéen gónón tódô wen mdengen gónó le nô, ne là kô gbek le tô mulé du yóm udélen yó.

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Juwél 3:15

Angat baling kifu yóm nóng kdaw ne bulón ne là kô le bud mnóng yó kem blotik.

Jirimaya 10:2

yó monen, “Hol bê ye abay lolò yóm kul kmò yó kem tau bè dumu benwu. Bê ye abay likò lemwót bè yó kem ilô ton le bè longit, balù yóm alì klikò le kul yó kem tau bè dumu benwu.

Kem Lingón 81:3

Huni ye yóm féw bè yóm gel kehligal ye bè yóm lomi bulón, ne bè yóm bulón tngel.

Tekang Kbuten 8:22

Yóm igoen tolo wen benwu, sal gel wen bulón mulu ne wen bulón muta. Wen bulónen tnaw ne wen se bulónen kinì. Wen bulónen mnóng kdaw ne wen se bulónen kmulón. Senflósen wen kdaw ne senflósen wen se kifu.”

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Matyu 24:29

“Sok kogol yóm alì hlayam bè yó kem kdaw yó,” mon Jisas, “angat là buden mnóng kdaw dalang se bulón, ne angat le gotu btang gu bè longit yó kem blotik, ne là bud glolò le lesang le yó kem dumu mnóng gu bè longit.

Amus 8:9

Bè yóm kdaw yó,” mon yóm Dwata hol dandónen geta, “hesdefu kdaw anien ke tolo gtungó ne hkifuhu talak tonok anien ke tolo kemdaw.

Juwél 2:10

Bè yóm kógów le, tódô megsinsig tonok ne mningkil longit. Tódô baling kmifu yóm kdaw ne bulón ne là kô le bud mnóng yó kem blotik.

Jirimaya 33:20

“Tehe yu ekni, deng tehe wen senfasad me yóm kdaw ne kifu anì hol le gel msut bè yóm kul bantang gel ksut. Yóm tehe kesfasad me yó laen kô dù tau gembek gembà du.

Deng Hegfan 6:12

Timbow deng yóm yó, tódô tonu yóm Ngà Ubiha, bud kóhen yóm gnemen dket bè yóm sulat lenulun. Tódô sen-gengen se mbel te tonok yóm tey linol bong. Tódô baling hitem yóm mata kdaw, hol lómón khitemen yóm nes alì hitem. Ne yóm bulón, hol lómó khulóen litô.

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Jirimaya 33:25

Okóm ni se balau kul, ‘Là kô bud kenbéu kul ne yó kem dou tau. Yóm là kekbéu kul yó, hol lómón yó se là ketlesu kógów yóm kdaw ne kifu ne tonok ne longit.

Tekang Kbuten 9:13

wen léwés suu bè yó kem lobun te kmawang. Yó se ilô yóm deng fasadu ebè yóm kentihen mowil te tonok, hol fasad laen kô dù tul sónen.

Deng Hegfan 8:12

Ominen mféw yóm gfaten. Ne tódô gbut bè yóm kdaw, là kóen bud mnóng. Ne gbut bè yóm bulón ne bè yó kem blotik, là kô le bud mnóng. Yó gónóm mon, tódô gbut bè yóm sendaw laen kô dù layagen. Dalang se yóm kifu, tódô gbut bè yóm sotu kifu, laen kô dù layagen.

Kun Snulat Luk 23:45

Uma kóm bè yóm Gónô Dwata, wen tey nes mfól mò seng yóm dfél gónóhen nô Dwata, tódô ton le lómón ke hninggel dnólóhem bè gónón sóól.

Mark 13:24

“Timbow kogol yóm alì hlayam bè yóm kdaw yó,” mon Jisas, “angat là buden mnóng kdaw dalang se bulón.

Kem Lingón 119:91

Efet ni kmoen ni, sana yó ne kegseb yó kem hlauhem, yakà tódô kdê le mò du yóm kóm kóyô.

Job 3:9

Yake bê le tehe mnóng yó kem blotik gel mnóng móyón mwas bè yóm ksutu. Yake béen tehe mwas yóm kdaw yó

Deng Hegfan 9:2

Ominen lemungkà du yóm bak yóm sol leyóng yó, ne tódô hesut se yóm tey kebel gu lemen, lómón kebel yóm tey dutung bong, botong tódô kmifu talak kmawang.

Tekang Kbuten 1:13

Timbow deng kmoen du yóm yó, ominen bud kifu ne bud mwas, tu se yóm getluhen kdaw.

Tekang Kbuten 1:15

Mnóng le gu bè longit anì hol lemayag ete tonok.” Tahu se, tódô uliten du.

Kem Lingón 150:1

Hol dóyón tekuy Dwata. Hol dóyón tekuy Dwata ditu bè yóm kun Gónô. Hol dóyón tekuy yóm alì kfasangen bè longit.