Tekang Kbuten 1:1 - Udél Dwata: Gna Kesfasad ne Lomi Kesfasad

¹ Bè yóm hol tekang kbuten, dlimun Dwata longit ne tonok.

Tekang Kbuten 1:1 Referans Kwoze

Hibru 11:3

Lemwót bè kehtahu tekuy gónó tekuy temngón du yóm deng kedlimun Dwata du yóm kentihen mlan bè udélen. Yó gónóm mon, kdê yó kem ton mata talak tonok, hono lemwót bè yóm là ton mata tau du.

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Hibru 1:10

Sotu tehe bud udél Dwata ebéléen, monen, “Bè yóm tehe tekang kbuten, Dwata, uu se tehe dmimun du klamangen tonok, ne tehe kóm lan tdok yóm longit.

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Job 38:4

Gónóm nô se kóm du bè yóm tehe kmou benwu? Ke uu se yóm sotu tau temngón hol tulónem do kun.

Kul Nmò 17:24

Yóm Dwata ni, du se deng dmimun yóm klamangen benwu ne kdéen ton lemen. Du se yóm hol gónó mogot bè longit dalang se talak tonok. Là kóen na a nô bè yó kem gónô nmò tau kun.

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Isaya 44:24

Ou se yóm Dwata gónó ye mogot yóm lemwà kuy. Ou se yóm Dwata deng mò kuy. Ou yóm hol gónó ye mogot, yóm dmimun yóm kentihen. Tek són ou tehe hnal yó kem longit seglafin. Ne bè yóm tehe kedlimunu tonok, laen kô tmóbóng do.

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Kem Udél Hlalak Tehe Selumun 3:19

Dwata se deng mò du yóm tonok lemwót bè kun khulung hedem ne bud lemwót bè kun khulung temnef gónón gemmò yó kem longit.

Deng Hegfan 14:7

Tódô hgelen udélen, monen, “Hol nadat ye Dwata. Hol sendóyón ye dé yóm tey kegetahen. Deng hto ne yóm butengen kmukum kem tau. Hol dóyón ye se yóm Dwata deng tehe mò yóm longit ne yóm tonok ne yóm mohin kkólen bè yóm kdéen él tembul.”

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Kem Lingón 136:5

Hol dóyón tekuy Dwata, lemwót bè yóm kun khulung gónón mò du yóm longit. Laen kô tul sónen yóm kbong nawahen tekuy là monolen.

Jirimaya 10:12

Okóm ke Dwata kun, dlimunen yóm tonok mlan bè kfasangen ne mlan bè yóm khulungen hedem gónón hbegel du yóm tonok dlimunen yó. Ne bud mlan bè yóm ketngónen gónón mból yóm longit.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Kem Lingón 8:3

Ke gele lengalà ebè longit yóm deng tehe nmoem, tonu yóm bulón ne yó kem blotik deng eles mdengen gónóm hemsù kul.

Kem Lingón 102:25

Tehe là sekna ekni, hdaem begel tonok, ne lan tdokem mò yóm longit.

Hibru 3:4

Ket gónô, sal gel wen fen mò du. Bede Dwata fen hol mò du yóm kdéen.

Kem Lingón 124:8

Tek són Dwata yóm tmóbóng tekuy yóm Dwata tehe mò longit ne tonok.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Kem Lingón 121:2

Tódô tngónu, Dwata yóm angat tmóbóng do, yóm Dwata tehe mò longit ne tonok.

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Isaya 40:28

Là deng tngón ye du he kô ne là deng gungol ye du? Yóm Dwata gónó tekuy mogot laen kô dù tul sónen. Du se tehe dmimun yóm klamang benwu. Là kóen na a miteg ne là se kóen na a lunog. Là gbek te hmingón du yóm tey kehedemen tekuy.

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kem Lingón 96:5

Yó kem kul dwata yó kem tau bè dumu benwu, hono dwata lenbù nmò le. Okóm yóm kut Dwata, du se tehe dmimun du yó kem longit seglafin.

Deng Hegfan 10:6

ne wen fasad nmoen hlanen bè boluy Dwata, yóm Dwata laen kô dù tul katayen, yóm deng tehe dmimun longit ne tonok ne mohin ne yó kem kentihen nô lem le. Yó udél yóm hógów Dwata yó, monen, “Laen dù bud gónón ganggà ne ni.

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

Kul Nmò 4:24

Timbow deng gungol yó kem tau hemtahu, omin le gotu mni bè Dwata, mon le, “Ó Dwata, uu se tehe dmimun yóm longit ne tonok ne mohin ne kdéen ton.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Isaya 37:16

“Ó Dwata yóm Dwata laen dù là gbeken du, yóm hol kum gónó mogot kem tau Israél, yóm myón bè yóm gónóm kmamal geta senta yó kem gel hógówem nô bè yó. Tek sónen uu yóm Dwata. Gotu knamalem yóm klamangen. Uu se tehe dmimun tonok ne longit.

Kem Lingón 146:6

Du se yóm Dwata tehe mò longit ne tonok ne mohin ne kdéen ton. Sal dnohoen yó kem deng fasaden.

Kem Lingón 134:3

Yó hem Dwata tehe mò longit ne tonok hol tmóbóng kuy lemwót gu bè Bulul Sayun.

Deng Hegfan 22:13

Ou se yóm hol buten ne yóm hol sónen. Bud ou se gónón mbut kdéen, ne ou se yóm bud mò sónen.”

1 Jan 1:1

Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

Mark 13:19

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut kedlimun Dwata du yóm benwu, ne là se kô bud sneefen du ne.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kem Lingón 104:30

Okóm lemwót bè yóm nawa blayem kul, yó gónó le mowil bè yóm tehe kedlimunem kul. Tódô senflósen tendo wen bud lomi hlowilem te tonok.

1 Tutul Israél 16:26

Yó kem dwata kul gónó e gel tmaba yó kem tau bè dumu benwu, hono dwata lennged. Okóm yóm Dwata tekuy, du se dmimun du yóm longit seglafin.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Ifisus 3:9

Bud sigangen tahu snéen yóm kmò kwit Dwata du yóm tehe atul bunihen ekni. Deng tehe bunihen nim ni lemwót bè hol kbuten, yó se kun kmò kehlan du Dwata, yóm tehe dmimun yóm kentihen.

Isaya 65:17

Yó udél Dwata, monen, “Wen lomi tonok nmou ne kem lomi longit. Ke deng ye kól du, là bud gtulón nawa ye du ne yóm gna klowil ye.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Isaya 40:21

Là deng tngónem du kô kóm yóm kmò kbut benwu? Là deng wen tehe tmulón du kóm kô yóm mò kmoen? Là deng gungolem du he kô?

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

2 Tutul Israél 2:11

Omin Hiram yóm tau hol geta bè Tayal malà ke Selumun bè sulaten, monen, “Lemwót bè yóm kbong nawa Dwata yó kem tauhen, yó gónón mò kóm tau hol geta bélê le.

Kem Lingón 8:4

Ke hendemu yóm deng nmoem yó, le hilu he kun yó kem olo tau tonok. Kiholen yóm tey nawahem ebélê le.