Taytus 3:9 - Udél Dwata: Gna Kesfasad ne Lomi Kesfasad

⁹ Béi gel mung du kóm yóm skuya mon laen kô dù gónón e mefet, ne yóm kestutul le du yóm tehe fù le gónó le gu semfu. Béi mung lemen yóm sbot mon, ne yóm gel kesgés le bè yóm kun hlau Musis. Laen ofolem du myó, ne laen dù muhen.

Taytus 3:9 Referans Kwoze

2 Timuti 2:14

Nim ni koni, bud gel hegtulónem bè nawa yó kem tau bè yó, ne hol hetgamahem kul, ne Dwata fen mungol du. Bê le abay skuya mon bè kmò klan yó kem udél. Yakem wen se muhen, olo mom gónón lana kehtahu yó kem tau hmungol kul.

2 Timuti 2:23

Okóm béi abay mung du kóm yó kem skuya mon, yakem wen se muhen. Yó olo nefeten, són mit sgés bè kem dumu.

1 Timuti 4:7

Béi mung du kóm yó kem tutul lenbù nmò tau gnan, tutul là lemwóten bè Dwata, tutul laen kô gónón e mefet. Tódô hol dnalangem hgulit bè yóm kloloem ke Dwata.

2 Timuti 2:16

Hlayuki du kóm yóm kestulón là madat ke Dwata, kestulón laen dù lemen. Dalil mom gónó le glayuk bè Dwata yó kem tau móyô mung du.

Taytus 1:14

ne anì là bud glolò le du yó kem tutul gel lenbù nmò yó kem Ju, duhen ke yó kem hlau gel nmò yó kem tau deng knogol le yóm ktahuhen.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.