Taytus 3:15 - Udél Dwata: Gna Kesfasad ne Lomi Kesfasad

¹⁵ Nim kdê dumuhu bè ni ni, tey gel kólóm le kóm. Hol tulónem yó kem dumu me ston nawa dyó yóm tey kólóm me kul. Yó ne kóó. Dwata he hol tendo tmóbóng kuy yóm kdê ye.

Taytus 3:15 Referans Kwoze

Hibru 13:25

Yó ne kóó. Dwata he hol tmóbóng kuy.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Kulasi 4:18

Dou lan tdok smulat du nim mò sónen ni: Ou se Pol. Tey kólómu kuy. Bê ye klifót yóm tolo kegfétu. Yó hem Dwata hol tmóbóng kuy.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

3 Jan 1:1

Ou se yóm sotu tuha logi gónóhen lemwót nim sulat ni. Smulate ebéléem, Wè Gayus, yóm dou kenbong nawa.

Filimun 1:5

abay se deng gefet béléu yóm kbong nawahem kdê yó kem kun tau Dwata, ne yóm tey kehtahuhem bè yóm gónó tekuy mogot Jisas.

2 Timuti 4:22

Yó hem gónó tekuy mogot hol nô béléem. Dwata he hol tmóbóng kuy.

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

1 Kurin 16:23

Yó hem gónó tekuy mogot Jisas hol semflós tmóbóng kuy.

Matyu 5:47

Laen kô dù kayen yóm kuy kmò ke són yó hnódó ye, són yó kem hol kuy wè. Balù yó he kem tau là setngón ke Dwata, sana kul kesfódó se kul.

Kul Nmò 20:34

Deng hónô tngón ye se tódô dou tdok gmastu dou knô gomong se yó kem gel dumuhu.