Taytus 3:14 - Udél Dwata: Gna Kesfasad ne Lomi Kesfasad

¹⁴ Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.

Taytus 3:14 Referans Kwoze

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Flipay 1:11

Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.

Matyu 7:19

Yóm koyu là hyu kbunguhen, tódô nofok kmò du, ne tudà elem ofi.

2 Pitér 1:8

Ke lómón yó yóm tendo gel nmò ye, ne ke là hluda ye mò du, tey wen uléken yóm deng ketngón ye yóm gónó tekuy mogot Jisas Krays.

Flipay 4:17

Là kô yó du sen-galuhu ke hol gel wen blay ye dou, okóm yó hol sen-galuhu ke temnù yóm ofol blay Dwata kuy.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kun Snulat Jan 15:8

Yó gónón megdóyón Mà ke hol ye mungu, ne yó se gónón gdilô yóm klolò ye do.

2 Tisalunika 3:8

Là kô me mni bélê ye mò lowil me, okóm tódô gel benli me yóm kum gel ken. Tey gel kmò me nmò, lenulus me kdaw ne glakit me kifu anì là glayam ye temdof kum.

Kul Nmò 20:35

Deng hdalangu kuy se bè yóm kmò tekuy nmò, sal gel wen gónó tekuy ma mò tóbóng yó kem dumu tekuy wen gónó le élél. Hol hentulón ye nawa dé yóm sotu tehe mon Jisas, yóm monen, ‘Bong kligalen he kun yóm tau bemlay senta yóm tau benlay.’ ”

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Kul Nmò 18:3

Na tódô hlós temnù bélê le Pol, abay se senged kul hulung mò nmò bè kulit ógóf.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

1 Tisalunika 2:9

Dô là deng klifót ye du he yóm tehe tey kmò me nmò bè yóm tehe knô me dyó bélê ye. Tódô senflós me kemdaw ne kifu mò nmò anì là glayam ye temdof kum bè yóm igò me tmolok kuy yóm Tulón Hyu lemwót bè Dwata.

Sulat Pol Ebè Yó Kem Tau Hemtahu Bè Rom 15:28

Sok deng ketedu bélê le ni kem tóbóng deng sentifun le ni, naw slob bélê ye he ominu yó hlós ebè Spén.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Flipay 4:16

Bè yóm tehe kwen gónóhu élél bè yóm tolo knóu bè syudad Tisalunika, là olon tek sulék du yóm tehe kehwit ye tóbóng ebéléu.

Taytus 2:8

Yake hono tahu yóm gel tolokem kul anì laen dù gónó le gemsanil du yóm gel tulónem. Ke ni se nmoem, mulék le myak yó kem hmohon kut lemwót bè yóm klaen dù bang udél le eta te.