Taytus 3:13 - Udél Dwata: Gna Kesfasad ne Lomi Kesfasad

¹³ Hol gel tnóbóngem se ke Sinas kun, yóm begadu, dalang se Apulus anì laen dù gónó le élél bè yóm kógów le.

Taytus 3:13 Referans Kwoze

Kul Nmò 18:24

Bè yóm kdaw yó, gdek bè Ifisus yóm sotu tau boluyen Apulus. Du se sotu Ju lemwót bè syudad Aliksandriya. Tey tau hulung tmolok se kun, ne tey mdengen ketngónen du yóm nô lem Sulat Dwata.

Matyu 22:35

ne wen sotu bélê le yóm gel tmolok hlau, tô tmilów smólók ke Jisas se kun, monen,

Kul Nmò 28:10

Tey dê tódô basa le kum yó kem tau bè yó. Bè yóm bud kewót me bè yó, tey wen blay le kum yó kem wen mu me du bè yóm bud kógów me.

1 Kurin 16:11

Hol nadat ye se kun. Sok mulék gu dyó bélê ye, hol hninggel ye sen hewót du anì bud gefet béléu dini. Yakà tendo nangatu du, mung du yó kem dumu tau hemtahu.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

Kun Snulat Luk 14:3

Ne snólók Jisas yó kem tau gel tmolok hlau ne yó kem Farisi, monen, “Là sideken bè hlau tekuy kô ke hkó tekuy des bè Kdaw Kehegnô?”

Kun Snulat Luk 11:52

Angat tey tafak ye, yu kem tau gel tmolok hlau. Ten-geed ye hemseng du yóm tahu lan ebè Dwata. Là dog lolò ye du se kuy yóm lan yó, lel ye yó he hemseng yó kem tau tô lemolò du.”

Kun Snulat Luk 11:45

Sotu bè yó kem tau gel tmolok hlau myón bè yó, ne mudél ebè Jisas, monen, “Gomong henyakem mi bè yóm udélem yó, Sér.”

Kun Snulat Luk 10:25

Wen sotu bè yó kem gel tmolok hlau sut bè Jisas, wen snólóken béléen mò gónón tmilów du, monen, “Wen tô snólóku béléem, Sér,” monen. “Tedu de tô nmou du anì gutahu yóm klowil laen dù sónen?”

Kun Snulat Luk 7:30

Okóm yó kem Farisi ne yó kem gel tmolok hlau, lu se yó kem tau deng tehe kembê du yóm kóyô Dwata bélê le, ne là kô le dog hbabtays.

Kul Nmò 15:3

Tahu se, hewót le lu le Pol yó kem tau hemtahu bè Antyok. Bè yóm kógów le, mlan le bè prubinsya Funisya ne Samarya. Ket benwu gónó le slob, gel tulón le yóm deng kehtahu le bè Dwata yó kem tau là Ju le. Ya tey kligal le yó kem tau hemtahu bè yóm kungol le du yóm tulón le ni.

Kul Nmò 19:1

Bè yóm tolo knô Apulus bè Kurin, lemwót ke Pol tódô hnalaken yóm sotu prubinsya efet kól bè Ifisus. Ne wen kem tau hemtahu glebeten bè yó.

1 Kurin 16:12

Bong ke Apulus kun, yóm sotu dumu tekuy hemtahu, tey tô kubugu du anì mauy bélê ye dyó. Kóyóu ke tô mung bè yó kem dumu tekuy hemtahu gel mauy dyó, okóm tolo là maan nawahen mò du he. Wen kdawen he kun angat mauy kuy.