Taytus 3:12 - Udél Dwata: Gna Kesfasad ne Lomi Kesfasad

¹² Sok hógówu Artimas duhen ke Tikikus edyó béléem, hol senlongem ou bè Nikapulis, abay se bè yó gónóhu nô bè yóm bulónen sidek kdaw.

Taytus 3:12 Referans Kwoze

2 Timuti 4:9

Holi hgéhél mógów dou edini.

Kul Nmò 20:4

Bè yóm ktonok Pol mulék yó, ni sii yó kem dumuhen: Supatér ngà Pirus lemwót bè Beriya, ne Aristarkus ne Sikundus lemwót bè Tisalunika, ne Gayus lemwót bè Dérbi, ne Tikikus ne Trufimus lemwót bè prubinsya Asya, ne Timuti.

2 Timuti 4:21

Holi hgéhél dou edini nim gu laanen là deng bud sidek kdaw. Tey gel kólóm le kuy snéen kul le Yubulus ne Pudin ne Linus ne Klawdya, dalang se kdê yó kem dumu tau hemtahu bè ni.

2 Timuti 4:12

Lemwót ke Tikikus, deng hógówu ebè Ifisus.

1 Kurin 16:6

Naw dô malù legen bélê ye soke mógów edyó, déke gesmangu yó kem bulón tnaw. Bè yóm bud kewótu bè yó, déke wen ne gónó ye gemtóbóng dou balù kihu gónóhu e hlós.

Ifisus 6:21

Hógówu Tikikus edyó bélê ye anì tulónen kuy he yóm dou kmò dini. Du se sotu dumu tekuy sogot nawa, ne là kóen monol nawahen mò du yóm kun nmò yóm gónó tekuy mogot. Gotu tulónen kuy he yóm kdéen.

Kulasi 4:7

Yóm dou kmò dini, gotu tulón Tikikus kuy he, yóm sotu dumu tekuy sogot nawa, ne là kóen mili nawahen tmóbóng do. Du se sotu tóbóng lówó yóm gónó tekuy mogot.