Taytus 3:1 - Udél Dwata: Gna Kesfasad ne Lomi Kesfasad

¹ Bud heftulónem kul nawa, yó kem tau bè yó anì himón le bè yó kem tau gónó le kmulu ne yó kem dumu tau wen glal le. Yake eles le tendo htifes mò du yóm hyu.

Taytus 3:1 Referans Kwoze

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

Matyu 22:21

Mon le se, “Sisar.” “Na,” mon Jisas, “ke Sisar se funen, tódô blay ye ke Sisar yóm kun, ne blay ye ke Dwata se yóm kun.”

2 Timuti 2:21

Senged se ke bè tau. Ke hol hlayuk bè yó kem sidek, tey wen mu Dwata du yóm tau yó, abay se deng hogoten ke Dwata klowilen, ne wen muhen du yóm gónón mogot, yakà dengen eles htifes balù kihu hmoen du.

2 Timuti 1:6

Yó gónóhu bud mon du mò kóm nim ni anì là kóhem du bè nawam yóm kenhulung deng tehe blay Dwata kóm bè yóm tehe le knoku kóm bè yóm tehe knihu béléem.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

1 Timuti 4:6

Ke hol heglalagem bè kem dumuhem hemtahu ni kem hlolou kóm ni, bong hyu kwitem du yóm deng sigang Krays Jisas tahem. Ne temnù kbegelen yóm kehtahuhem lanem hemnagì du yóm Udél Dwata deng hentahuhem, ne yóm tahu tolok deng loloem.

1 Timuti 2:2

Homong hni ye béléen se yó kem tau hol geta bélê ye, ne yó kem dumu tau genlal. Yó gónó ye mutóm kul anì menek kbenwu tekuy, ne són nô bè nawa te yóm kadat te ke Dwata, ne yóm hyu kmò te bè yó kem dumu te tau.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

2 Pitér 1:12

Yó gónóm mon, senflósu se hegtulón du bè nawa ye ni kem ni koni, baluen ke deng tngón ye, ne deng tey mbegel kogot ye du yóm ktahuhen.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Flipay 1:11

Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Isaya 43:26

Mógów tekuy ebè gónô skukum dé, klamo ye ou ditu. Hegfan ye kun ke tahu yóm gónó ye kmamo do.

Sulat Jud 1:5

Deng gotu tngón ye nim tulónu kuy ni, olohu bud hegtulón du bè nawa ye dé. Tehe yu ekni, deng lenwà yóm gónó tekuy mogot yó kem tau Israél lem tdok yó kem tau Idyip. Timbow legen bè yó, gotu genlà Dwata yó kem tau laen dù kehtahu le béléen.

Taytus 3:14

Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.

2 Timuti 2:14

Nim ni koni, bud gel hegtulónem bè nawa yó kem tau bè yó, ne hol hetgamahem kul, ne Dwata fen mungol du. Bê le abay skuya mon bè kmò klan yó kem udél. Yakem wen se muhen, olo mom gónón lana kehtahu yó kem tau hmungol kul.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.