Taytus 2:7 - Udél Dwata: Gna Kesfasad ne Lomi Kesfasad

⁷ Yake béléem dé, Taytus, mò gónó le dmalang du yóm kehyu kmò. Hol hewótem lem but blututem yóm ktolokem kul, béem mom hningay.

Taytus 2:7 Referans Kwoze

1 Pitér 5:3

Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

Flipay 1:10

Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

2 Tisalunika 3:9

Yó gónó me mò du nim ni, sundu mon ke laen dù kwalis me mni bélê ye bè yóm ktolok me kuy, bede yó gónó me mò du mò gónó ye mton du anì dnalang ye.

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.